২০১৯ চনৰ ডিচেম্বৰ মাহৰ এটা কুৱলী ধূসৰিত পুৱা৷বিশ্ববিদ্যালয়ৰ ছাত্ৰাবাসত চলি আছে যুদ্ধকালীন প্ৰস্তুতি-ষান্মাসিকৰ পৰীক্ষাৰ নহয় CAB/C(A)A বিৰোধী আন্দোলনৰ৷অসমৰ প্ৰায় প্ৰতিখন শিক্ষানুষ্ঠানৰে মূখ্যপ্ৰৱেশদ্বাৰত তলা ওলোমাই ৰাজপথলৈ ওলাই আহিছে ছাত্ৰছাত্ৰীৰ প্ৰতিবাদী মিছিল৷অসমৰ প্ৰতিখন চহৰ,প্ৰতিখন গাওঁ আৰু প্ৰতিতো চুবুৰীতেই তেতিয়া চলিছে বিপ্লৱৰ আখৰা৷জনসাধাৰণ স্বতঃস্ফূৰ্তভাবে ৰাজপথলৈ ওলাই আহিছে৷কৰ্মচাৰী পৰিষদে কৰ্মবিৰতি ঘোষণা কৰিছে৷গছ কাটি বগৰাই ৰাজপথ বন্ধ কৰি দিয়া হৈছে৷কৰবাত প্ৰতিবাদী জনতাই জ্বলাই দিছে বিধায়কৰ আবাসগৃহ৷ঠায়েঠায়ে গণৰোষৰ সন্মুখীন প্ৰাণ লৈ পলাইছে ভাজপা আৰু অগপ নেতাই৷শ্বহীদৰ পিতৃয়ে অশ্ৰুসিক্ত নয়নেৰে কৈছে মোৰ ল’ৰা দেশৰ বাবে শ্বহীদ হ’ল আৰু মোৰ দ্বিতীয় এজন সন্তান থকা হ’লেওঁ মই তেওঁক দেশৰ বাবে আগবঢ়াই দিলোহেঁতেন৷প্ৰায় চাৰিটা দশকৰ অন্তত এটা শুই থকা জাতিয়ে পুনৰ প্ৰাণ পাই উঠিছিল আৰু নিজৰ অধিকাৰ বিচাৰি ৰাজপথলৈ ওলাই আহিছিল৷মোৰ বোধেৰে C(A)A বিৰোধী আন্দোলন অসমৰ জাতীয় সংগ্ৰামৰ ইতিহাসৰ দ্বিতীয়তো অসম আন্দোলন৷মই এই আন্দোলনতো নিচেই কাষৰ পৰাই দেখিছো৷আন্দোলনত সক্ৰিয়ৰূপে অংশ লোৱাৰ অপবাদত প্ৰশাসনৰ ৰোষৰো সন্মুখীন হৈছিলো আৰু দুদিন আত্মগোপনো কৰি আছিলো৷আন্দোলনৰ বহুতো তথাকথিত নেতা আৰু প্ৰকৃত নেতাৰ সৈতে একেখন মঞ্চতেই বঢ়িছিলো৷সেয়ে আন্দোলনতোৰ বহু নগ্ন সত্যওঁ মই জানো৷আমি কিছু ভুল কৰিছিলো আৰু যদি আজি মই সেই ভুলৰ মুকলি সমালোচনা নকৰো তেনেহ’লে ইতিহাসে মোক কেতিয়াও ক্ষমা নকৰিব৷তেনেহ’লে আহক আৰম্ভ কৰো আজিৰ আত্মকথা“C(A)A বিৰোধী আন্দোলনৰ পোষ্টমৰ্টেম- Inspired by True Events.”
                  জাতীয় মুক্তি সংগ্ৰামখন সেইদিনাই দিশহাৰা হৈছিল যিদিনা আমি ভাজপাৰ নিৰ্বাচনী ইস্তাহাৰখন পঢ়াৰ পিছতো ৰাইজক ১৯ ৰ লোকসভা নিৰ্বাচনত ভাজপাক এঘৰীয়া কৰিবলৈ ক’বলৈ ব্যৰ্থ হৈছিলো৷কাৰণ ইস্তাহাৰখনত স্পষ্ট ভাবে CAB ক C(A)A কৰাৰ কথা কোৱা হৈছিল৷আমি যদি তেতিয়াই ৰাষ্ট্ৰীয় অথবা আন্তৰাষ্ট্ৰীয় পৰ্য্যায়ত জনমত গঠন কৰিবলৈ সক্ষম হ’লোহেঁতেন তেনেহ’লে হয়তো অসমৰ নৱপ্ৰজন্মই সান্ধ্যআইন,সেনাৰ ফ্লেগ মাৰ্চ অথবা ইন্টাৰনেট কৰ্তনৰ দৰে ৰাষ্ট্ৰযন্ত্ৰৰ ফেচিবাদী নীতিৰ জীৱন্ত নিদৰ্শন দেখাৰ পৰা পৰিত্ৰাণ পালেহেঁতেন৷
                     ১/লতাশিল যাত্ৰা আৰু ৰাজনৈতিক নাটক-      অসমৰ প্ৰতিখন গাওঁৰ পৰা আৰম্ভ হোৱা এই গণবিপ্লৱৰ যে লতাশিল এদিন অভিকেন্দ্ৰ হৈ পৰিব সেয়া আমাৰ সপোনৰো আগোচৰ আছিল আৰু গণবিপ্লৱ লতাশিলত উপনীত হোৱা C(A)A বিৰোধী সংগ্ৰামখনৰ এক উল্লেখযোগ্য বিৱৰ্তন বিন্দু(turning point) আছিল৷সংগ্ৰামখন লতাশিল কেন্দ্ৰিক হৈ পৰাৰ লগে-লগেই এলানি উল্লেখযোগ্য ঘটনাক্ৰমৰ আৰম্ভণি হ’ল৷ইমানদিনে ৰাইজৰ নেতৃত্বত অংসগঠিত ভাবে অব্যাহত থকা সংগ্ৰামখনে প্ৰথমবাৰৰ বাবে পেছাদাৰী নেতাৰ মুখ দেখিলে আৰু ইয়াৰ সৰ্বশেষ পৰিণতি স্বৰূপে ৰাইজৰ সংগ্ৰামখন সংগঠনৰ বেনাৰৰ আৰত হোৱা সংগ্ৰামলৈ পৰিবৰ্তিত হ’ল৷আদৰ্শগত সংঘাতে প্ৰতিবাদী জনতাক বহুধাবিভক্ত কৰিলে৷পূৰ্বে একেখন মহাবিদ্যালয়ৰে বেনাৰত আন্দোলন কৰা ছাত্ৰন এইতো অমুকতো সংগঠনৰ আন্দোলন বুলিহে তাক বৰ্জন কৰা আৰম্ভ কৰিলে৷বহু পালিনেতাই নিজকে নেতা কৰাৰ কুচকাৱাজ আৰম্ভ কৰি দিলে আৰু বহু ছাত্ৰ নেতাই পৰৱৰ্তী বিধানসভা নিৰ্বাচনৰ টিকেটৰ সপোন দেখাৰ আৰু অসমৰ বহুকেইখন মহাবিদ্যালয় আৰু বিশ্ববিদ্যালয় কোনো-কোনো ছাত্ৰ সংগঠনৰ “ডাম্পিং গ্ৰাউণ্ড”ত পৰিণত হ’ল৷এয়া কোনো কল্পকথা নহয় মোৰ চাক্ষুস অভিজ্ঞতা মাত্ৰ৷
                        ২/সাংস্কৃতিক প্ৰতিবাদ – লতাশিলত মাইক্ৰফোনতো হাতত তুলি লৈ জুবিন দাই সাংস্কৃতিক বিপ্লৱৰ কথা ক’লে৷অসম আৰু অসমীয়াৰ বাবে পূৰ্বেও জুবিন দাই বহু ত্যাগ কৰিছে৷C(A)A বিৰোধী সংগ্ৰামৰ তেওঁ এজন অন্যতম কাণ্ডাৰী আছিল৷কিন্তু ইয়াৰ সমান্তৰালভাৱে এই কথাও সত্য যে জুবিন দাৰ ৰাজনৈতিক পৰিপক্বতা যঠেষ্ট কম৷সাংস্কৃতিক প্ৰতিবাদৰ নামত প্ৰতিবাদী সভাৰ পৰা আৰম্ভ কৰি টেলিভিচনৰ ষ্টুডিঅলৈকে সকলোতে গীতৰ এসন্ধ্যা,কবিতাৰ এসন্ধ্যাৰ দৰে কাৰ্য্যসূচী আৰম্ভ হ’ল৷বাটৰ নাটো সাৰি নগল৷কিন্তু পৰিতাপৰ বিষয় চীন বা ইটালীৰ দৰে অসমৰ গৰিষ্ঠসংখ্যক ৰাইজে সাংস্কৃতিক বিপ্লৱৰ ভাষা বুজি নাপাই৷সেয়ে কৰবাত এই সাংস্কৃতিক প্ৰতিবাদ মাত্ৰ আমোদ-প্ৰমোদৰ উৎস হৈ পৰিল৷কোনো-কোনো প্ৰতিবাদী সভাত কন্ঠশিল্পীয়ে কেৱল মাত্ৰ মাইকৰ তালেতালে Lipsing কৰিল৷অভিনেতা-অভিনেত্ৰী সকলক দেখি যুৱক-যুৱতীসকলো ৰাজপথলৈ সাজিকাচি ওলাল৷ফলত বিপ্লৱ পৰিণত হ’ল এক ৰাজপথৰ ফেশ্বন শ্বত৷
                           ৩/ মাইক্ৰফোনৰ অপসংস্কৃতি-প্ৰতিবাদী সভাবোৰত যিদিনাৰ পৰাই মাইক্ৰফোনৰ আবিৰ্ভাৱ ঘটিল সেইদিনাৰ পৰাই প্ৰতিজন পালিনেতাই নেতা হোৱাৰ আখৰা আৰম্ভ কৰি দিলে৷যোৰহাটৰ উপায়ুক্তৰ কাৰ্য্যালয়ৰ সন্মুখত সান্ধ্য আইনৰ মাজত হোৱা এক প্ৰতিবাদী কাৰ্য্যসূচীত মই অংশ লৈছিলো আৰু সেইদিনা এটা আমোদজনক ঘটনা ঘটিল৷এজন ভদ্ৰলোক আৰু ভদ্ৰমহিলাই মাইক্ৰফোনক লৈ কঢ়া-আজোৰা কৰিবলৈ আৰম্ভ কৰিলে৷সেইখন যুঁজত ভদ্ৰলোকজন জয়ী হ’ল আৰু নিজৰ অসন্তুষ্টি প্ৰকাশ কৰি ভদ্ৰমহিলাগৰাকীয়ে সেই স্থানৰ পৰা প্ৰস্থান কৰিলে৷বহুতো প্ৰতিবাদী সভাত কোনো-কোনো বক্তাই মাইক্ৰফোনতো হাতত লৈয়েই বিপ্নৱৰ বাহিৰে তেওঁৰ ব্যক্তিগত জীৱনাদৰ্শৰ বখানি মেলিবলৈ আৰম্ভ কৰিলে৷ইফালে তেওঁৰ Public Speaking Ability ও নাই৷কোনোবা এজন ভদ্ৰলোকে ক’লে মোৰ অমুকতো গান ভূপেন হাজৰিকাক মই হে শিকাই-বুজাই গোৱাইছিলো৷হয় বাৰু আপোনাৰেই গান৷কিন্তু আপুনি ভূপেন হাজৰিকাক শিকাই বুজাই গোৱাইছে!আমি মাত্ৰ মৌন হৈ চাই ৰ’লো বিপ্লৱৰ চাৰ্কাচ৷
                                ৪/প্ৰতিবাদৰ ভাষা-ড° সমুজ্জ্বল কুমাৰ ভট্টাচাৰ্য দেৱে ৰাইজক আহ্বান জনালে প্ৰতিবাদ শান্তিপূৰ্ণ আৰু গণতান্ত্ৰিক হ’ব লাগে৷হয় তেওঁৰ আহ্বান শুদ্ধ আছিল৷কিন্তু তেওঁৰ বাখ্যাৰ অপবাখ্যা( Message Distortion) হ’ল৷প্ৰতিবাদৰ এক নিজস্ব ভাষা থাকে৷তাত গণতান্ত্ৰিক উগ্ৰতা ও থাকে৷কিন্তু আমাৰ প্ৰতিবাদ অধিক শান্তিপূৰ্ণ হ’ল৷কৰবাত-কৰবাত শ্লোগানবোৰৰ ভাষা অশ্লীলো হৈ পৰিছিল৷অশ্লীলতা কেতিয়াও প্ৰতিবাদৰ ভাষা হ’ব নোৱাৰে৷কোনোবাই শ্লোগান দিছিল “C(A)A আমি নুবুজো৷”শ্লোগানদাতাই বাৰু সঁচাকৈয়ে C(A)A কি নুবুজাকৈয়ে আবেগত উটি-ভাহি গৈ ৰাজপথলৈ ওলাই আহিছিল নেকি?তেওঁক C(A)A কি বুজাব নোৱাৰাতো হয়তো আমাৰেই ব্যৰ্থতা আছিল৷কাৰণ অশ্লীলতাৰ দৰেই বিবেকবৰ্জিত আবেগো প্ৰতিবাদৰ ভাষা হ’ব নোৱাৰে৷
                                  এই সকলোবোৰ দূৰ্ভাগ্যজনক ঘটনাৰ পৰিণতি স্বৰূপে প্ৰতিবাদী ৰাইজৰ ক্ষোভো প্ৰশমিত হ’ল আৰু ৰাইজে বিপ্লৱ আৰু বিপ্লৱৰ নেতৃত্বৰ ওপৰত আস্থা হেৰুৱাই পেলালে৷কাৰণ অসমৰ ৰাইজ অসম আন্দোলনৰ প্ৰবঞ্চনাৰ ইতিহাসৰে পুষ্ট৷এনেদৰেই জাতীয় মুক্তি সংগ্ৰামৰ দ্বিতীয়তো বৃহৎ গণআন্দোলনো পথভ্ৰষ্ট হ’ল৷শ্বহীদৰ পিতৃয়ে তেওঁৰ দ্বিতীয়জন সন্তানক অসমী আইৰ চৰণত অৰ্পিত কৰাৰ পৰা বঞ্চিত হ’ল৷আমাৰ মাজৰ বহুজন ডেকা ল’ৰা শ্বহীদ হ’ল৷বহুজন সহযোগী ঘুণীয়া হ’ল আৰু এই আন্দোলনৰ অন্যতম হোতা অখিল গগৈ আজিও কাৰাগাৰৰ চাৰিবেৰৰ মাজত৷য’ত আজি আমি তেওঁৰ মুক্তিৰ বাবে Quarentine ৰ সীমাবদ্ধতাৰ মাজতে ঘৰৰে পৰাই প্ৰতিবাদ কৰিব লাগিছিল সেইসময়ত আমি ৫ এপ্ৰিলৰ নিশা মাননীয় প্ৰধানমন্ত্ৰীৰ ডিঙিত বিহুৱানখন দেখিয়েই সকলো পাহৰি প্ৰশংসাত পঞ্চমুখ হৈ পৰিছো৷বন্ধু কল্যাণ আৰু মই একেলগেই সেইসময়ত আন্দোলনত জপিয়াই পৰিছিলো৷প্ৰতিবাদী সভা কৰিছিলো,সমদল কৰিছিলো আৰু পুলিচী নিৰ্যাতনৰ পৰা সাৰি থাকি আন্দোলন অব্যাহত ৰখাৰ স্বাৰ্থত আত্মগোপনো কৰিছিলো৷কালি নিশা বহুপৰলৈকে আমি কথা পাতিলো৷আত্মবিশ্লেষণ কৰিলো আৰু এক মৃত আন্দোলনৰ পোষ্টমৰ্টেম কৰিলো৷এইখিনিয়েই আছিল আমাৰ পোষ্টমোৰ্টেমৰ ফলাফল আৰু এইকথাখিনি নগ্ন সত্য যদি মই আপোনালোকৰ পৰা লুকুৱাই ৰাখো তেনেহলে ইতিহাসেও মোক ক্ষমা নকৰে৷
                                    ৫/COVID-19- অৱশ্যে ভোগালী বিহুৰ  পিছতো সীমিতসংখ্যক ৰাইজৰ মাজত একুৰা তুঁহখেৰৰ জুই মাৰ্চৰ অন্তিম সপ্তাহ পৰ্য্যন্ত উমি-উমি জ্বলি আছিল৷কিন্তু এইবাৰ প্ৰকৃতিয়েও হয়তো আমাৰ ভুলৰ বিপক্ষে ঠিয় দিলে৷ভাৰত COVID 19 ৰ তৃতীয় পৰ্য্যায়ত উপনীত হ’ল৷দেশজুৰি ২১ দিনৰ লকডাউন ঘোষণা কৰা হ’ল আৰু মোৰ বোধেৰে লকডাউনেই আছিল C(A)A বিৰোধী সংগ্ৰামৰ কফিনৰ অন্তিমতো গজাল৷
                                     কৰবাত ভুলবোৰ ময়ো কৰিছিলো আৰু ক’ৰবাত আপুনিও৷আমি কৰা ভুলবোৰৰ বাবেই এটা জাতীয় আন্দোলন নিচিহ্ন হৈ গ’ল৷এই ভুলবোৰে আজিও কোনো উজাগৰী নিশাত মোক দুস্বপ্নৰ দৰে খেদি ফুৰে৷হয়তো আৰু বহু ভুল হৈছিল যিবোৰ মোৰ অথবা কল্যাণৰ দৃষ্টিগোচৰ হোৱা নাছিল৷আশা কৰো অসমৰ ভবিষ্যত প্ৰজন্মই আমি কৰা ভুলবোৰৰ পৰা শিক্ষা ল’ব আৰু তেওঁলোকৰ আশাসুধীয়া প্ৰচেষ্টাত ডিচেম্বৰ মাহৰ আন এটা কুৱলী ধূসৰিত পুৱাত মোৰ শুই থকা জাতিতোৱে পুনৰ সাৰ পাই উঠিব আৰু আমি পুনৰ নাৰ্য্যপ্ৰাপ্তিৰ দাবীত ৰাজপথলৈ ওলাই যাম৷কাৰণ তেতিয়াহে শ্বহীদ আৰু তেওঁৰ পৰিয়ালে ন্যায় পাব৷জাতীয় মুক্তি সংগ্ৰাম দীৰ্ঘজীৱী হওঁক৷জয় আই অসম৷
                            

আজি দুপৰীয়াৰ সাজত চয়াবিন আছিল৷ভাত দুগৰাহ সৰহকৈয়েই খালো৷এইহেন আকালৰ দিনত চয়াবিনেই বাটাৰ চিকেন সম এইবুলি নিজকে সান্ত্বনা দি Netflix ৰ পৃথিৱীত বিচৰণ কৰিবলৈ আৰম্ভ কৰিলো৷ Operation Finalle, Espionage জগতৰ এখন বহুলভাবে সমাদৃত চলচিত্ৰ৷তদানীন্তন নাজী চৰকাৰৰ ইহুদী পৰিক্ৰমা মন্ত্ৰী এড’ল্ফ আইকমেনক বিচাৰি আৰ্জেণ্টিনাৰ ভূমিত Mosad  ৰ এক শ্বাসৰুদ্ধকৰ অভিযান৷হঠাৎ চকুকেইটা ধূসৰ হৈ পৰিল৷এইবাৰ Netflix ৰ পৰ্দাত এখন কাৰ্টুন ভাহি আহিল৷ Pirates of the Caribbean Sea ৰ খলনায়কৰ ভূমিকাত স্বয়ং ৱাল্ট ডিজনিৰ বিখ্যাত চৰিত্ৰ ডনাল্ড ডাক৷এক বিশেষ ভংগীত ছিগাৰৰ ধোৱা উৰুৱাই এটা প্ৰকাণ্ড বগা ঘৰৰ সন্মুখত ঠিয় হৈ ডনাল্ডে ৫৬ ইঞ্চিৰ বুকুৰ গেৰুৱাবসন পৰিহিত এজন জোলোঙা লৈ ফুৰা ফকীৰক ধমক দিলে তুমি যদি তোমাৰ জোলোঙাত লুকুৱাই ৰখা হাইড্ৰক্সি’ক্লৰকুইন আমাক নিদিয়া সেয়া আমি বলপূৰ্বকভাবে কাঢ়ি লবলৈ বাধ্য হ’ম৷এয়া কি ৫৬ ইঞ্চিৰ বুকুখনৰ অৱস্থাচোন পম যোৱা বেলুনটোৰ দৰে হ’ল আৰু সেমেনা-সেমেনিকৈ জোলোঙাৰ পৰা ফকীৰে উলিয়াই দিলে ইমান পৰে সাঁচি ৰখা হাইড্ৰক্সি’ক্লৰকুইনৰ টেমা৷মোবাইলৰ ভাইব্ৰেচনৰ শব্দত টোপনি ভাগিল৷ইমানপৰে মানে সপোনহে দেখি আছিলো৷কি যে বিচিত্ৰ সপোন!ক’ৰণাৰ যুগ৷বাতৰিকে চাওঁ বুলি Jio Tv তো খুলি ল’লো৷এইবাৰ বিস্ময়ভূত হৈ পৰিলো৷এটা হুমুনিয়াহ কাঢ়ি ক’লো সপোনৰ পৃথিৱীখনতকৈয়ো বিস্ময়কৰ এই বাস্তৱ পৃথিৱী৷
                           ভাৰতবৰ্ষৰ প্ৰখ্যাত বাতৰিকাকত India Today ৰ Online Portal ত প্ৰকাশিত বাতৰি অনুসৰি মাৰ্কিন ৰাষ্ট্ৰপতি ডনাল্ড ট্ৰাম্পে বাৰম্বাৰ অনুৰোধ কৰাৰ পিছতো ভাৰতবৰ্ষই আমেৰিকা যুক্তৰাষ্ট্ৰক হাইড্ৰক্সি’ক্লৰকুইনৰ যোগান নধৰাৰ বাবে ট্ৰাম্পে ভাৰতবৰ্ষক সামৰিক প্ৰত্যাক্ৰমণ(Retaliation)ৰ ভাবুকি প্ৰদান কৰিছে৷একেটা উৎসৰ পৰা পোৱা আন এক বাতৰি অনুসৰি শেহতীয়া ভাবে ভাৰত চৰকাৰে সকলোকে এই বিষয়ৰ ৰাজনীতিকৰণ নকৰিবলৈ অনুৰোধ জনাইছে আৰু আমেৰিকালৈ হাইড্ৰক্সি’ক্লৰকুইন ৰপ্তানি কৰিবলৈ সন্মতি জনাইছে৷পৃথিৱীৰ এই অসুখকালত ৰাজনীতি কৰিবলৈ আমি মুঠেই ইচ্ছুক নহয় কিন্তু দেশৰ সাৰ্বভৌমত্বৰ প্ৰতি সৃষ্টি হোৱা ভাবুকি সৰ্ম্পকত দেশবাসীক অৱগত কৰাওঁ মোৰ নৈতিক কৰ্তব্য৷
                                 হাইড্ৰক্সি’ক্লৰকুইন(C18H26ClN3O)
মেলেৰিয়া ৰোগত আক্ৰান্তসকলক চিকিৎসা কৰিবলৈ বহুল ভাবে ব্যৱহাৰ কৰা এবিধ ঔষধ৷বৰ্তমান COVID-19 আক্ৰান্ত ৰোগীসকলৰ লক্ষণ সমূহৰ চিকিৎসা(for the treatment of the symptoms only) কৰিবলৈওঁ পৃথিৱীজুৰি চিকিৎসক সকলে এইবিধ ঔষধৰ ব্যৱহাৰ কৰিবলৈ আৰম্ভ কৰিছে৷বিশ্বৰ ভিতৰতেই হাইড্ৰক্সি’ক্লৰকুইনৰ ৰপ্তানিৰ ক্ষেত্ৰত ভাৰতৰ স্থান প্ৰথম৷আমাৰ দেশত মেলেৰিয়া ৰোগৰ সংক্ৰমণ অধিক সেয়ে হাইড্ৰক্সি’ক্লৰকুইনৰ উৎপাদনো অধিক৷কিন্তু আমেৰিকাৰ দৰে শীতল জলবায়ুৰ দেশত মেলেৰিয়া ৰোগৰ সংক্ৰমণৰ পৰিসৰ নিচেই সীমিত৷সেয়ে এই ঔষধকলৈ তেওঁলোক সচেতনো নহয়৷সেইবাবে আজি স্বাভাৱিকতেই আমেৰিকা যুক্তৰাষ্ট্ৰত এই ঔষধৰ নাটনি হৈছে৷বন্ধু ৰাষ্ট্ৰ হিছাপে যুক্তৰাষ্ট্ৰই আমাক সহায় বিচাৰিছিল৷কিন্তু ভাৰত ৰাষ্ট্ৰওঁ অপৰাগ৷COVID-19 ৰ প্ৰতিষেধক আমাৰ দেশৰ হাততো নাই৷ আজি কোৱেৰন্টাইন মানি চলাৰ বাদে আমাৰ হাতত আন কোনো বিকল্পও নাই৷সেয়ে পৰ্য্যাপ্ত হাইড্ৰক্সি’ক্লৰকুইন গুদামত মজুত থকাৰ পিছতো ভাৰত চৰকাৰে কালিলৈকে ইয়াৰ ৰপ্তানিৰ অনুমতি প্ৰদান কৰা নাছিল৷তাকো SARS-CoV-20 সমগ্ৰ বিশ্বৰ বাবেই এটা নতুন নাম৷এই ভাইৰাছ সম্পৰ্কীয় গৱেষণাসমূহ এতিয়াওঁ তৃণমূল পৰ্য্যায়তে আছে৷আমি নাজানো এই মৃত্যুৰ বিভীষিকা আৰু কিমান দিনলৈ অব্যাহত থাকিব আৰু কিমানজন সংক্ৰমিত হ’ব৷তৃতীয় পৰ্যায়ত আক্ৰান্তৰ সংখ্যাই ৬ লাখ অতিক্ৰম কৰিব বুলি কেন্দ্ৰীয় স্বাস্থ্য মন্ত্ৰালয়ে ইতিমধ্যেই আশংকা প্ৰকাশ কৰিছে৷কিন্তু ভবিষ্যতৰ কথা কোনে জানে?হয়তো মাত্ৰ ৬ জনো হ’ব পাৰে আৰু ৬ কোটিও হ’ব পাৰে৷সেইবাবেই আমি হাইড্ৰক্সি’ক্লৰকুইন মজুত ৰখাতো সময়ৰ দাবী৷ফলত স্বাভাৱিকেই মই কালিলৈকে ভাৰত চৰকাৰে লোৱা সিদ্ধান্তৰ পক্ষতেই আছিলো৷
                                       এতিয়া আহো যুক্তৰাষ্ট্ৰৰ প্ৰসংগলৈ৷প্ৰথমেই কৈছো যুক্তৰাষ্ট্ৰত মেলেৰিয়াৰ পৰিসৰ সীমিত৷সেয়ে যুক্তৰাষ্ট্ৰত হাইড্ৰক্সি’ক্লৰকুইনৰ মজুত ৰাশিওঁ সীমিত৷কিন্তু হাস্যকৰ কথাতো হ’ল তথাকথিত বিশ্বশক্তি(Superpower) ৰ হাতত হেনো পৰ্য্যাপ্ত পৰিমাণে মাস্ক আৰু চেনিটাইজাৰো নাই৷COVID-19 ৰ সময়ত বৰ্তমান পৰ্য্যন্ত যুক্তৰাষ্ট্ৰৰ স্বাস্থ্যকৰ্মীসকলেই সৰ্বাধিক আক্ৰান্ত হৈছে৷কাৰণ ছেনিটাইজাৰ আৰু মাস্কৰ অভাৱ৷এয়াই পুজিবাদী সভ্যতাৰ লুচিফাৰস্বৰূপ আমেৰিকা যুক্তৰাষ্ট্ৰৰ স্বাস্থ্যসেৱাৰ ফোপোলা স্বৰূপ৷প্ৰতিৰক্ষাৰ নামত বিলিয়ন-ট্ৰিলিয়ন ডলাৰ ব্যয় কৰা মাৰ্কিন যুক্তৰাষ্ট্ৰৰ এয়া আন এক নগ্ন সত্য৷ভিক্ষাৰীক দান দিয়াতো আমাৰ সংস্কৃতি লাগিলে সেই ভিক্ষাৰীজনে তেওঁৰ ভালসময়ত আমাৰ দৰিদ্ৰতাক ভেঙুচালিয়েই নকৰিছিল কিয়,যিদৰে আজিৰ হাইড্ৰক্সিক্লৰকুইনৰ ভিক্ষাৰী ৰাষ্ট্ৰ আমেৰিকাই আমাৰ দূৰ্ভিক্ষৰ সময়ত আমাক ঘোঁৰাই খোৱা ঘেহুৰ যোগান ধৰি আমাক পশু বুলি বিদ্ৰুপ কৰিছিল৷কিন্তু দান দিয়াতো নিশ্চয়কৈ সীমাবদ্ধতা আছে৷লক্ষ্মণ ৰেখা পাৰ হৈ সাধু ৰূপী ৰাৱণক অন্ন দান কৰাৰ বাবেই সীতাহৰণ সম্ভৱ হৈছিল৷আজিৰ পৰিস্থিতিওঁ অনুৰূপ৷কোৱাৰেন্টাইনৰ লক্ষ্মণ ৰেখা পাৰ হৈ হাইড্ৰক্সি’ক্লৰকুইনৰ আন্তৰাষ্ট্ৰীয় বাণিজ্য কৰিলে বিপদ আমাৰ নিজৰেই৷হয় এই যুক্তি সত্য যুক্তৰাষ্ট্ৰত বহু ভাৰতীয় মূলৰ পৰিয়াল আছে৷কিন্তু লগতে এয়াও সত্য যে তেওঁলোকৰ অধিকাংশই আজি যুক্তৰাষ্ট্ৰীয় নাগৰিক৷সেয়ে তেওঁলোকৰ জীৱনৰ দ্বায়িত্ব আমাৰ নহয় বৰঞ্চ যুক্তৰাষ্ট্ৰৰ চৰকাৰৰ৷হয় এই কথাওঁ সত্য যে বৰ্তমান যুক্তৰাষ্ট্ৰৰ সৈতে আমাৰ বাণিজ্যিক সম্পৰ্ক মধুৰ৷কিন্তু এয়াওঁতো সত্য আন্তৰাষ্ট্ৰীয় বাণিজ্যত কোনো কাৰো স্থায়ী মিত্ৰ অথবা শত্ৰু নহয় আৰু মোৰ বোধেৰে বাণিজ্যিক সম্পৰ্কতকৈ দেশবাসীৰ জীৱন হাজাৰ গুণে মূল্যবান৷সেয়ে যুক্তৰাষ্ট্ৰক সহায় কৰাৰ ইচ্ছা থাকিলেওঁ আজিৰ তাৰিখত আমি নিৰূপায়৷ভাৰত ৰাষ্ট্ৰৰ এই অপৰাগতাক অন্ততঃ নৰেন্দ্ৰ মোদীয়ে বিশ্বাসী বন্ধু আখ্যা দিয়া ট্ৰাম্পে অনুধাৱন কৰিব লাগিছিল৷কিন্তু অনুধাৱন কৰাতো দুৰৰে কথা প্ৰিয়বন্ধু ট্ৰাম্পে আমাক ভাবুকি হে দিলে৷অবশ্যে এজন আমেৰিকানে আমাৰ অপৰাগতা বুজি পাব বুলি আমি আশা কৰাওঁ মূৰ্খামি মাত্ৰ৷ৰেড ইণ্ডিয়ানৰ কবৰৰ ওপৰত গঢ়ি উঠা মাৰ্কিন সভ্যতা হৃদয়হীন৷চলে-বলে-কৌশলে আনৰ সম্পদ হস্তগত কৰাতোৱেই তেওঁলোকৰ নীতি আৰু সংস্কৃতি৷যিদৰে তেওঁলোকৰ পূৰ্বপুৰুষসকলে ৰেডইণ্ডিয়ান সকলৰ পৰা তেওঁলোকৰ ভূমি আৰু অৰণ্য কাঢ়ি নিলে,উত্তৰপুৰুষসকলে মধ্যপ্ৰাচ্যৰ তেল কাঢ়ি নিলে সেইদৰেই আগন্তুক দিনত তেওঁলোকে আমাৰ পৰা অত্যাৱশ্যকীয় হাইড্ৰক্সি’ক্লৰকুইনো কাঢ়ি নিব৷আমেৰিকাৰ ভাবুকিৰ ফলশ্ৰুতিত মোৰ দেশে আজি এনে জটিল সন্ধিক্ষণত বাণিজ্যিক নীতি সলনি কৰিবলৈ বাধ্য হৈছে৷এয়া বিশ্বৰ দ্বিতীয় সৰ্ববৃহৎ সামৰিক শক্তিৰ অধিকাৰী দেশ ভাৰতৰ অৰ্থনৈতিক আৰু ৰাজনৈতিক সাৰ্বভৌমত্বৰৰ নিমজ গালত এটা পূৰ্ণহতীয়া চৰ৷কিন্তু সকলো জানি-শুনিওঁ আমি আত্মসমৰ্পণ কৰিলো৷কাৰণ-দেশপ্ৰেম,জাতীয়তাবোধ আৰু আত্মসন্মান নামৰ কোনো শব্দই আমাৰ ভাৰতীয় সকলৰ অভিধানত নাই৷যদি আমাৰ মনোজগতত সামান্যতমো এনে আদৰ্শৰ অৱশেষ থাকিলেহেঁতেন তেনেহ’লে আমি হাঁহি-হাঁহি যুক্তৰাষ্ট্ৰৰ এই প্ৰত্যাহ্বানক গ্ৰহণ কৰিলোহেঁতেন আৰু নাওঁ বুৰিলেও টিঙৰ পৰা ননমা ট্ৰাম্পক উচিত শিক্ষা দিলোহেঁতেন৷যিদৰে বিলিয়ন ডলাৰৰ অৰ্থনৈতিক প্ৰতিবন্ধকতাক হাঁহিমুখে গ্ৰহণ কৰি আজি কিউবান সকল আত্মসন্মানসহ জীয়াই আছে৷আমাৰ এই দুৰ্বলতাক যুক্তৰাষ্ট্ৰৰো অজ্ঞাত বিষয় নহয়৷সেয়ে এমুঠি মান জনসংখ্যাৰ দেশ কিউবা অথবা ভিয়েটনামৰ নাম শুনিলেই বুকুত কঁপনি উঠা যুক্তৰাষ্ট্ৰই ১৩০ কোটি জনসংখ্যাৰ দেশ ভাৰতক ভাবুকি দিবলৈ সাহস পালে৷আজি এই একেটা ভাবুকিয়েই যদি ট্ৰাম্পে ইজৰাইলক দিলেহেঁতেন তেনেহ’লে হয়তো কাইলৈয়ে হোৱাইট হাউচৰ মাজ মজিয়াতে Mosad ৰ কোনো  Undercover Agent এ ট্ৰাম্পক……………কিন্তু আমিতো আজিলৈকে ২৬/১১ ৰ মাষ্টাৰ মাইণ্ড হাফিজ ছয়ীদৰে চুলি এডালো লৰাবলৈ সক্ষম ন’হলো৷তেন্তে আত্মসমৰ্পণৰ বাহিৰে আমাৰ হাতত বিকল্পই বা কি আছে? ভগৱানে যি কৰে ভালেই কৰে৷ভালেই হ’ল দিয়ক লৌহপুৰুষ চৰ্দাৰ পেটেল আজি জীৱন্ত নহয় এক নিৰ্বাক মূৰ্তি মাত্ৰ অন্যথা  লৌহ পুৰুষজনে জীৱন্ত অৱস্থা তেওঁৰ সপোনৰ ভাৰতৰ শাসক সকলৰ এনে আচৰণ দেখি হয়তো আজি মৰ্মাহত হ’লহেঁতেন৷
                                  কিন্তু তাৰ পিছতো মই মোৰ দেশখনক ভাল পাওঁ৷কাৰণ লিংকনে সেই বিখ্যাত চিঠিখনত উল্লেখ কৰাৰ দৰেই প্ৰতিজন ধূৰ্ত আৰু অসৎ ব্যক্তিৰ বিপৰীতে কিছুসংখ্যক ভাল মানুহো থাকে আৰু মোৰ বিশ্বাস মোৰ দেশত বেয়া লোকতকৈ ভাল লোকৰ সংখ্যাই অধিক৷সেয়ে এই দেশে বহু কিবাকিবি হেৰুৱাৰ পিছতো আমি নতুন দিনৰ সপোন দেখো৷আকৌ নতুন প্ৰভাত হ’ব৷ভাল মানুহখিনি সংগঠিত হ’ব৷গণবিপ্লৱে দেশৰ অৰ্থনৈতিক আৰু ৰাজনৈতিক ক্ষেত্ৰত পট পৰিবৰ্তন কৰিব৷ভাৰত তথাকথিত বিশ্বশক্তি নহয় কিন্তু বিশ্বৰ বাবে এক আদৰ্শ হ’ব৷আমি সেইখন ভাৰতৰ সপোন দেখো য’ত কোনো বুভুক্ষু,মগনীয়া অথবা শিশুশ্ৰমিক নাথাকিব,লোপ পাব পুৰুষতান্ত্ৰিকতাৰ দম্ভ আৰু উৎপাদনৰ আহিলা সমূহৰ ওপৰত প্ৰতিজন নাগৰিকেই লাভ কৰিব সম অধিকাৰ৷আমাৰ সপোনৰ ভাৰতত শিক্ষা আৰু স্বাস্থ্যসেৱা কেবল ৰংচঙীয়া চৰকাৰী বিজ্ঞাপনৰ ভিতৰতেই আবদ্ধ হৈ নাথাকে এই মানৱীয় সেৱা সমূহে স্পৰ্শ কৰিব মোৰ দেশৰ প্ৰতিজন নাগৰিকক৷এই দেশত নাথাকিব হিন্দু-ইছলাম অথবা জাতিভেদৰ সংঘাত৷কাৰণ মোৰ দেশ মানুহৰ দেশ৷মই এখন মানুহৰ দেশৰ সপোন দেখো য’ত প্ৰভাতীয়ে পক্ষীয়ে সুললিত কণ্ঠেৰে গাই মানৱতাৰ জয় গান৷
                         
                                    

কাষৰে মানুহ এঘৰত সন্ধিয়া চাহৰ জুতি ল’বলৈ গৈছিলো৷গৃহস্থৰ সৰু ল’ৰাতোৱে ভাটৌৰ দৰে ইতিহাসৰ পাঠ আওঁৰাই আছিল৷ The reality of a Clark Producing Education System commonly known as Indian Education System.পোনাকণে আওঁৰালে গান্ধী,নেহেৰু,সুভাষ জী,ভগৎ সিং আদিৰ দৰে মহান আত্মা(যদিওঁ ভগৎ সিংৰ দৰে এজন নাস্তিকে আত্মা আৰু প্ৰেতাত্মাক বিশ্বাস কৰা নাছিল৷)ৰ ত্যাগ আৰু সংগ্ৰামৰ বলতেই ১৯৪৭ চনৰ ১৫ আগষ্টত আমাৰ দেশ ভাৰতবৰ্ষই স্বাধীনতা লাভ কৰিছিল৷এইবাৰ ময়ো লগেলগে আওঁৰালো হিটলাৰৰ বলিদানৰ বাবেই ১৯৪৭ চনৰ ১৫ আগষ্ট তাৰিখে Indian Independence Act 1947 ৰ মাধ্যমেৰ বিদেশী(ব্ৰিটিছ) বণিকগোষ্ঠীৰ হাতৰ পৰা দেশীয় পুজিপতিৰ হাতলৈ ক্ষমতাৰ হস্তান্তৰ হৈছিল(Displacement of Power)৷গৃহস্থৰ কাণত হয়তো মোৰ ভোৰভোৰনিখিনিয়ে প্ৰৱেশ কৰিলে আৰু প্ৰত্যাশিত ভাবেই Antinationalist বুলি তেওঁৰ কন্ঠৰ পৰা এটা প্ৰচণ্ড চিঞৰ ভাহি অহাৰ পূৰ্বেই মই একে উশাহতে চাহ কাপ শেষ কৰি ঘৰলৈ ভিৰাই লৰ মাৰিলো৷হিটলাৰে আনিলে স্বাধীনতাৰ সংবাদ৷এনে নাভুত-নাশ্ৰুত কথা শুনি আপুনিওঁ নিশ্চয় মোৰ Blog ত Antinationalist বুলি কমেন্ট কৰাৰ কথাই ভাবিছে৷কিন্তু মোৰ Public Image বুলিওতো কথা এটা আছে যদিওঁ তাক লৈ মই মুঠেই সচেতন নহয়৷So first let me complete my argument via today’s story”ৰাষ্ট্ৰদ্ৰোহীৰ চাহমেল- Inspired by True Historical Events.” ঔৰ জাহা তক চৱাল মেৰা দেশভক্তি কা হ্যে, মই দেশপ্ৰেমী নে দেশদ্ৰোহী সেই বিছাৰ ইতিহাসে কৰিব,যদিওঁ বহুতৰ দৃষ্টিত মই এজন দেশদ্ৰোহী৷তেনেহলে পলম নকৰি আৰম্ভ কৰো আজিৰ কাহিনী৷সম্পূৰ্ণ কাহিনীতো পঢ়িবৰ বাবে তলত দিয়া লিংকত ক্লিক কৰক৷
মোগল সম্ৰাট জাহাংগীৰৰ দিনত ভাৰতীয় উপমহাদেশত বেপাৰ কৰিবলৈ অহা ইংৰাজ ইষ্ট ইণ্ডিয়া কোম্পানীয়ে দেশীয় ৰাজ্যসমূহৰ মাজত হোৱা আভ্যন্তৰীণ বিবাদৰ আচিলা লৈ এদিন সমগ্ৰ দেশৰ ক্ষমতাই হস্তগত কৰে আৰু পৰৱৰ্তীকালত কিছু ৰাজনৈতিক কাৰণবশত ক্ষমতা ব্ৰিটিছ ৰাজমুকুট(British Crown)ৰ হাতলৈ হস্তান্তৰিত হ’য় আৰু এনেদৰেই ভাৰতীয় ইতিহাসত আৰম্ভ হয় ঔপনিৱেশিকতাবাদৰ অন্ধকাৰ অধ্যায়ৰ৷আহক এইবাৰ উপভোগ কৰো আন এক Climax ১৯৩৯ চনৰ ১পৰ্য্যন্ত সমগ্ৰ বিশ্ব বলি হৈছিল এক বীভৎস আৰু ৰক্তক্ষয়ী যুদ্ধ বিভীষিকাৰ-দ্বিতীয় মহাসমৰ(World War II)৷জাপানৰ হিৰোছিমা আৰু নাগাচাকি চহৰত ক্ৰমে লিটল বয় আৰু ফেট মেন শীৰ্ষক পাৰমাণৱিক বোমাৰ বিস্ফোৰণৰ দ্বাৰা জাপানক আত্মসমৰ্পণ কৰিবলৈ বাধ্য কৰাই মাৰ্কিন যুক্তৰাষ্ট্ৰই প্ৰায় ছবছৰ যুৰি হোৱা দ্বিতীয় মহাসমৰৰ সামৰণি পেলায়৷পিছৰখিনি ইতিহাস মাত্ৰ৷দ্বিতীয় মহাসমৰৰ অন্তত পৃথিৱীৰ সৰ্ববৃহৎ অৰ্থনৈতিক আৰু সামৰিক শক্তি ৰূপে ৰেড ইণ্ডিয়ানৰ মৰিশালিৰ ওপৰত গঢ়ি উঠা পৰজীৱী মাৰ্কিন সভ্যতাৰ উত্থান হয় আৰু বিশ্ব ৰাজনীতিত ব্ৰিটেইনৰ প্ৰভাৱ ক্ৰমে হ্ৰাস পাবলৈ আৰম্ভ কৰে৷দ্বিতীয় বিশ্বযুদ্ধত হিটলাৰৰ জাৰ্মানীয়ে ব্ৰিটেইনক অৰ্থনৈতিকভাৱে ইমানেই কোঙা কৰি তুলিছিল যে সাতসাগৰ তেৰ নদীৰ পাৰৰ ভাৰতৰ দৰে এখন দেশত বিপ্লৱ দমনৰ নামত অজস্ৰ ধন ভাঙি ঔপনিৱেশিক শাসন চলোৱাতো ব্ৰিটেইনৰ বাবে তেতিয়া প্ৰায় অসম্ভৱপৰ হৈ পৰিছিল আৰু ইয়াৰেই পৰিণতিত ভাৰতত আৰম্ভ হৈছিল এক নতুন যুগৰ- The Era of Midnight Freedom.কেৱল ভাৰতেই নহয় ঔপনিৱেশিক শাসকগোষ্ঠীৰ বিৰূদ্ধে বিপ্লৱৰ ফিৰিঙতি নজ্বলা শ্ৰীলংকাৰ দৰে দ্বীপ ৰাষ্ট্ৰওঁ সামসাময়িক কালত ঔপনিৱেশিক শাসনৰ পৰা মুক্ত হ’য়৷সেয়ে আপাত দৃষ্টিত মোৰ বোধেৰে দ্বিতীয় বিশ্বযুদ্ধৰ অন্তত ব্ৰিটিছ ৰাজমুকুটৰ ঔপনিৱেশিক শাসনৰ পৰা মুক্তি লাভ কৰা প্ৰতিখন দেশৰ মুক্তিৰ নেপথ্যৰ ব্যক্তিজন হিটলাৰ আৰু হিটলাৰৰ নাজী জাৰ্মানী৷ Here I’ve rest my case regarding Hitler as a Messenger of Power Displacement.
Now let’s come to the second part of the today’s debate. Whether it is Independence or Displacement of Power?Indian Independence Act-1947 ৰ দ্বাৰা ব্ৰিটিছে দেশীয় পেটীবুৰ্জোৱা(ভাৰতীয় আধ্যৱান্ত শ্ৰেণী) শ্ৰেণীৰ হাতলৈ কিছু ক্ষমতাৰ হস্তান্তৰ কৰে যেনে-ভাৰতৰ ৰাষ্ট্ৰপতি অথৱা প্ৰধানমন্ত্ৰীজন ভাৰতীয় নাগৰিক হ’ব লাগিব৷ভাৰতীয়সকলে এখন নিজস্ব সংবিধান ৰচনা কৰিব৷ভাৰতীয়সকলে নিৰ্বাচনৰ মাধ্যমেৰে নিজৰ জনপ্ৰতিনিধিসকলক নিৰ্বাচন কৰিব আদি ইত্যাদি৷কিন্তু ভাৰতীয় সাংসদত দুজন মনোনীত এংলোইণ্ডিয়ান সদস্য থাকিব৷ব্ৰিটিছ সম্ৰাজ্ঞীয়ে ভিছা অবিহনেও ভাৰত ভ্ৰমণ কৰিবলৈ সক্ষম হ’ব৷সেয়ে আমাৰ দেশ এখন কমনৱেলথ(এজনৰ সম্পত্তি)ৰাষ্ট্ৰ একেদৰেই পাকিস্তান,বাংলাদেশ অথবা শ্ৰীলংকা৷কিন্তু কাৰ কমনৱেলথ আমি কাৰ সম্পদ? The simple and straight answer is we’re the Commonwealth of British Crown.হয় আমি কিছু ক্ষমতাৰ অধিকাৰী হ’লো অন্তত আন ন’হলেওঁ পাঁচোটা বছৰৰ অন্তত ভোটদান কৰাৰ৷কিন্তু খনি,চাহবাগানৰ দৰে লাভজনক উদ্যোগবোৰ ব্ৰিটিছ পুজিপতিৰ হাতোৰাতেই বন্দী হৈ থাকিল৷কাৰণ জোৰ যাৰ মূলূক তাৰ আৰু এই পুজিবাদী বিশ্বত ধন জাৰ জেপত ক্ষমতা আৰু বন্দুকৰ ট্ৰিগাৰো তেওঁৰেই হাতত৷
কিন্তু Indian Independence Act-1947 ত স্বাক্ষৰ কৰোতে হয়তো ব্ৰিটিছ শাসকগোষ্ঠীয়ে এই কথা কল্পনা কৰিবলৈয়ো সক্ষম হোৱা নাছিল যে পুজিবাদী বিশ্বৰ তেতিয়াৰ শিশু মাৰ্কিন যুক্তৰাষ্ট্ৰই এদিন যৌৱনপ্ৰাপ্ত হৈ নব্য ঔপনিবেশিকতাবাদৰ(Neo-colonizatoon) ধাৰণাৰে তেওঁলোকৰ আশাত চেঁচা পানী ঢালিব৷ক্ৰমাৎ ধন আৰু সামৰিক বলেৰে বলিয়ান মাৰ্কিন যুক্তৰাষ্ট্ৰই ৰাষ্ট্ৰসংঘ,বিশ্ববেংক আৰু আন্তৰাষ্ট্ৰীয় মুদ্ৰানিধিৰ দৰে সংগঠনক পুতলা নাচৰ পুতলাক নচুৱাদি নচুৱাবলৈ আৰম্ভ কৰিলে৷গোলকীকৰণ(Globalization),উদাৰ অৰ্থনীতি(Liberal Economy) আৰু প্ৰত্যক্ষ বৈদেশিক বিনিয়োগ(FDI) আদিৰ দৰে অৰ্থনৈতিক অস্ত্ৰৰ বলেৰে বলিয়ান মাৰ্কিন যুক্তৰাষ্ট্ৰই সমগ্ৰ পৃথিৱীজুৰি সূচনা কৰিলে শোষণৰ এক নতুন অধ্যায়-নব্য ঔপনিৱেশিকতাবাদৰ৷নব্য ঔপনিৱেশিকতাবাদৰ শোষণ পদ্ধতি কুৰি শতিকাৰ ঔপনিৱেশিকতাবাদতকৈ অধিক ভয়ংকৰ কাৰণ এনে শোষণৰ বিৰূদ্ধে বিপ্লৱৰ সূচনা হোৱাৰ সম্ভাৱনা অত্যন্ত সীমিত৷ধৰি লওঁক আপোনাৰ গাওঁখনত ১০ ঘৰ মানুহ আছে৷আপোনালোকক সকলোকে এসাঁজ ভাত খুৱাবলৈ চৰকাৰ মোক ১০,০০০ টকা দিলে আৰু হিছাপ অনুসৰি মই প্ৰত্যেকজন গাওঁবাসীকে একাঁহী ভাত আৰু পাঁচটুকুৰা খাহী মাংসৰ এটা জোল ভৰ্তি বাতি দিব লাগিছিল৷এতিয়া মই যদি তাকে নকৰি আপোনালোকৰ সন্মুখতে মাংস-ভাত ৰান্ধি গোটেই মাংস কেৰাহী নিজেই খাই থওঁ আৰু আপোনালোকক নিমখ তেলেৰে ভাত খাবলৈ দিওঁ তেন্তে আপোনালোকে নিশ্চয় মোক চুই কিলাব৷কিন্তু তাকে নকৰি মাংসৰ পৰিমাণৰ তথ্য গোপনে ৰাখি মই গাৱঁৰ প্ৰভাৱশালী ব্যক্তিকেইজনক যদি তিনিটুকুৰা খাহী মাংসৰে এসাজ ভালকৈ খুৱাই বাকী নদাই-ভদাই সকলক যদি লোণ-তেলেৰে ভাত খুৱাওঁ তেন্তে মোৰ বিষয়ে কোনেওঁ তু শব্দ এটাওঁ উচ্চাৰণ নকৰে কাৰণ গাওঁৰ প্ৰভাৱশালী ব্যক্তিকেইজন এতিয়া মোৰ কোটৰ জেপত৷ইয়াৰে প্ৰথমতো কাণ্ডই ঔপনিৱেশিকতাবাদক সূচাইছে য’ত আপোনালোকে মোক চুই কিলাইছিল কাৰণ তাত শোষণৰ পদ্ধতি আছিল প্ৰত্যক্ষ আৰু নব্য ঔপনিৱেশিকতাবাদ হ’ল দ্বিতীয়টো উদাহৰণ য’ত আপোনালোক মূক হৈ পৰিল কাৰণ এইবাৰ শোষণৰ পদ্ধতি আছিল পৰোক্ষ আৰু গাওঁৰ প্ৰভাৱশালী ব্যক্তিসকল মোৰ কোটৰ জেপত৷এনেদৰেই আজিৰ ভাৰতত বিদেশী কোম্পানীয়ে লাভজনক খণ্ডত বিনিয়োগ অব্যাহত ৰাখিছে,ঘোচখোৰ মন্ত্ৰী-আমোলাৰ জেপত গুজি দিছে কেইটামান ডলাৰ,ডলাৰৰ মূল্য যিহেতু টকাতকৈ বেছি সেয়ে দেশীয় পুজিপতিয়ে ঘোচ দিয়াৰ দৌৰত উজুতি খাইছে,Contract বিদেশী কোম্পানীয়ে পাইছে,কোম্পানীৰ মাহে ১০০০০ টকা দৰমহা পোৱা মজদুৰজনো আমাৰ, 3 BHK ৰ ফ্লেট আৰু BMW কোম্পানীৰ পৰা উপঢৌকন পোৱা CEO জনো আমাৰ আৰু কেচামালো আমাৰ মাত্ৰ মুনাফা বিদেশী ৰাষ্ট্ৰৰ৷আজি যদি সেই খণ্ডবোৰ চৰকাৰৰ হাতত থাকিলেহেঁতেন!চৰকাৰী আয় হয়তো আজিৰ তুলনাত শতগুণ বৃদ্ধি পালেহেঁতেন লগতে জনকল্যাণমূলক আচনিৰ পৰিসৰ৷সেয়ে সৰ্বশেষত কোনাবাখিনিত পেটত লাঠতো সকলোৱে খাইছে লাগিলে তেওঁ সৰ্বহাৰাই হওঁক কিম্বা আদানি-আম্বানিয়েই মাত্ৰ পৰিমাণতো কাৰোবাৰ বাবে কম আৰু কাৰোবাৰ বাবে বেছি৷ভাৰত যদি সঁচা অৰ্থত সমাজবাদী ৰাষ্ট্ৰ হ’লহেঁতেন হয়তো মাৰ্চিডিছ কাৰো হাতত নাথাকিলহেঁতেন কিন্তু এখন নেনো কিনাৰ সামৰ্থ সকলোৰে থাকিলেহেঁতেন৷কিন্তু চৰকাৰী খণ্ড মানেই দেখোন ঘোচ দিয়া আৰু লোৱাৰ দৌৰ বা ৰঙাফিটাৰ মেৰপেছ(Red tapism)
তেন্তে সমাধান ক’ত৷আপোনাৰ যেতিয়া ডায়েৰিয়া হ’য় আপোনাৰ পেট বিষাই,বমি আৰু পাতল শৌচ হয় আৰু খাদ্যবস্তু হজম নহয়৷কিন্তু এইবোৰ সেই বেমাৰৰ লক্ষণ মাত্ৰ৷কাৰণ বা বীজাণু এটাই ভাইৰাছ সম্ভৱতঃ Retrovirus শ্ৰেণীৰ৷তেনেদৰেই ভোগবাদী সভ্যতাৰ জ্বৰত আজি বিশ্ব আক্ৰান্ত৷ইয়াৰ লক্ষণসমূহ গোলকীকৰণ,উদাৰীকৃত অৰ্থনীতি,প্ৰত্যক্ষ বৈদেশিক বিনিয়োগ,দুৰ্নীতি,চৰকাৰী খণ্ডৰ অনগ্ৰসৰতা আদি৷কিন্তু ভাইৰাছ মাত্ৰ এটাই পুজিবাদ(Capitalism)- অৰ্থাৎ যিকোনো মূল্যৰ বিনিময়ত কেৱল আৰু কেৱল মুনাফা(Capitalism means profit at any cost.)সেয়ে মধ্যপ্ৰাচ্য আজি ইমান অশান্ত৷সৌভাগ্যৰ বিষয় যে এই ভাইৰাছৰ বিৰূদ্ধে মাৰ্ক্স আৰু তেওঁৰ সংগীসকলে তাহানিতে এক প্ৰতিষেধক(Vaccine) ৰ উদ্ভাৱন কৰিছিল যাৰ নাম সমাজবাদ(Socialism)৷
বিধিসন্মত সতৰ্কীকৰণ-চীন বা ৰাছিয়াৰ পৰা সমাজবাদৰ শিক্ষা ন’লব সিহঁত সমাজবাদৰ মুখা পিন্ধা একোএকোখন পুজিপতি ৰাষ্ট্ৰ৷স্তালিনৰ কালৰ ৰাছিয়াতো সমাজবাদ নাছিল৷সেয়া আছিল মাত্ৰ আমোলাতান্ত্ৰিক সমাজবাদ(Bureaucratic Socialism) আৰু ভাৰতৰ সংবিধানৰ প্ৰস্তাৱনাই ভাৰতক সমাজবাদী দেশ বুলি ক’লেওঁ এয়া State Capitalism মাত্ৰ৷যদি সমাজবাদৰ শিক্ষা ল’বই বিচাৰিছে তেন্তে ফিডেল কাষ্ট্ৰোৰ দেশ কিউবাৰ পৰা লওঁক আৰু সংগ্ৰাম কৰক কিন্তু কাকো দাস সাজিবলৈ নহয় সৰ্বহাৰাক দাসত্ত্বৰ পৰা মুক্তি দিবলৈ৷”Soldiers don’t fight for slavery,fight for liberty. Fight for the reason of smile not for anyone’s tears. Fight for a peaceful,descent and new world as the kingdom of God is within men not in one man,not within a group of men but in all men even in you also.“(The Great Dictator চলচিত্ৰৰ চাৰ্লি চেপলিনৰ কেইটামান বিখ্যাত সংলাপৰ পৰা শেষৰ কথা কেইটা ধাৰ কৰা হৈছে৷) বহু কথাই পাতিলো৷আজিলৈ ইমানতে সামৰিছো৷কি ঠিক?মোক যদি দেশদ্ৰোহী বুলি আপুনি টালিটোপোলা বান্ধি পাকিস্তান যাবলৈকে কয়৷ভাবকচোন COVID-19 ৰ এইহেন সংকটকালত লকডাউনৰ মাজত মই কাটাতাৰ পাৰ হৈ বাৰু কেনেকৈ পাকিস্তানলৈ যাম৷ইমানপৰে আপুনি মোৰ এই দীঘলীয়া আৰু আমনিদায়ক কাহিনী শুনিলে৷মোৰ কথাবৰ্তাত যদি আপুনি দেশদ্ৰোহীৰতাৰ গোন্ধ পাইছে আপুনি নিশ্চয় মোৰ Blog ত দেশদ্ৰোহী বুলি কমেণ্ট কৰিব পাৰে৷কাৰণ সেয়া ভাৰতীয় সংবিধানৰ ২১নং অনুচ্ছেদে আপোনাক প্ৰদান কৰা মত প্ৰকাশৰ স্বাধীনতাৰ মৌলিক অধিকাৰ৷ So you’re always welcome to called me as a bloody anti- Nationalist because I firmly believe in Democracy.মোৰ কোনো আপত্তিও নাই কাৰণ মই কোনো ৰাজনৈতিক নেতা নহয় আৰু সেয়ে পূৰ্বে কোৱাৰ দৰেই মই মোৰ ৰাজহুৱা ভাৱমূৰ্ত্তিক লৈ মুঠেই সচেতন নহয়৷বাকী মেৰে প্যাৰে দেশবাসীয়ো জাহা ত্যক চৱাল মেৰা দেশ ভক্তি কা হ্যে তাৰ বিচাৰ ইতিহাসে এদিন নিশ্চয় কৰিব৷

ইউৰেকা,ইউৰেকা!
উমম কওঁক ভ্ৰাম্যমাণ দূৰভাষ যন্ত্ৰৰ আনটো মুৰৰ পৰা ইউৰেকাই ক’লে৷আৰে তোমাক কোৱা নাই হে৷তোমাক ইউৰেকা বুলি মই এনেও নামাতো৷কি যে অদ্ভুত নাম!কেতিয়াবা কনফিউজড হৈ যাওঁ এইতো কোনোবা ষোড়শী গাভৰুৰ নাম নে মংগল গ্ৰহৰ পৰা অহা এলিয়েনৰ নাম৷মই সচাৰচৰ তোমাক নাম কাঢ়ি নামাতো৷তুমি তুমি বুলিয়েই সম্বোধন কৰো৷কেতিয়াবা প্ৰয়োজন হ’লে ৰদ ৰাগিণী বুলি ক’ম৷অন্তত সেই নামতো মোৰ কিছু প্ৰিয়৷Btw মই তোমাক সম্বোধন কৰা নাছিলো৷মই আৰ্কিমিডিছৰ ইউৰেকাৰ কথাহে কৈছিলো৷মানে পায় গ’লো,পায় গ’লো৷মই মোৰ গল্পৰ প্লট আৱিস্কাৰ কৰিলো৷প্ৰায় একে উশাহতেই কথাখিনি ক’লো৷কোনোমতে উশাহতো সলাই পুনৰ প্ৰশ্ন কৰিলো মানুহে কাউৰীক কিয় ইমান বেয়া পায়?কিয়?কিয় কাউৰীক সদায় বগলী অথবা কুলিৰ সৈতে তুলনা কৰা হ’য়৷কাউৰীৰোতো এক নিজ স্বকীয় সৌন্দৰ্য্য আছে৷হয় শুভ্ৰতাৰ প্ৰতি আমাৰ এক সহজাত দুৰ্বলতা আছে মৃতদেহক আবৰি ৰখা কাপোৰখনক বাদ দি৷But after all Black is also a standard colour.ক’লা ছাৰ্ট,ক’লা গোলাপ অথবা ক’লা স্মাৰ্ট ফোন যদি ষ্টেটাছ চিম্বল হ’য় তেন্তে ক’লা কাউৰীতো কিয় সদায় উপহাসৰ পাত্ৰ৷মোৰ দেশৰ অধিকাংশ অধিবাসীয়েই ক’লা,অন্তত পূৰ্ণ ক’লা নহলেও তাম বৰণৰ কিন্তু তাৰপিছতো ক’লা অভিনেতা-অভিনেত্ৰীৰ স্থান মাত্ৰ Comedy Character তেই সীমাবদ্ধ আৰু সেয়াও মাত্ৰ টাইপ কাষ্টিংৰ আৰ্শীবাদতদউত্তৰ ভাৰততো ক’লা হৈ জন্ম লোৱাতো এজনী ছোৱালীৰ বাবে অভিশাপস্বৰূপ৷যৌতুকৰ পাল্লাখন স্বাভাৱিক ভাবেই ভাৰি হৈ পৰে৷একবিংশ শতিকাৰ ভাৰতবৰ্ষত প্ৰতিজন ক’লা ব্যক্তিয়েই যেন Social Stigma ৰ অদৃশ্য শিকলিৰ মেৰপাকত বন্দী একোএকোজন মানসিক ক্ৰীতিদাস৷লিংকন তুমি কেতিয়া আহিবা মোৰ দেশলৈ বতাহত মুক্তিৰ নিচান উৰুৱাই?কাউৰীৰ দৰে ক’লা৷অসমীয়া ভাষাৰ এক পৰিচিত উপমা আমাৰ ভাৰতীয়সকলৰ শৰীৰত হয়তো racism ৰ বাবে আজিও এডাল পৃথক জিন আছে৷অসমীয়া ভাষাৰ এনে উপমা ইয়াৰেই এক জ্বলন্ত উদাহৰণ৷প্ৰকৃততে ভাষা-সাহিত্যৰ ছাত্ৰছাত্ৰীসকলে ইয়াক লৈ গৱেষণা কৰা উচিত৷মোৰ কিন্তু কাউৰীতোলৈ মৰম লাগে৷ক’লা ৰঙেৰে এটা শকত-আৱত মৰমলগা চৰাই৷গলুমলু মুখখনত চিকুতি দিবলৈ মন যায়৷”কাউৰীৰ কন্ঠস্বৰৰ কথা কি ক’ব?“ তাই শুধিলে৷কিছুসময় মৌন হৈ থাকি পুনৰ ক’লো হয় কাউৰীৰ কন্ঠস্বৰ কুলিৰ দৰে শুৱলা নহয়৷হয়তো নানে বসন্তৰ আগলি বতৰা৷কিন্তু প্ৰতিদিনেই সেই তথাকথিত কৰ্কশ কন্ঠই আমাক বাতৰি দিয়ে পুৱাৰ প্ৰভাতি কিৰণৰ৷গাওঁৰ প্ৰতিজন মানুহতো কাউৰীৰ মাততেই সাৰ পায়৷”কি ক’লে কাউৰীৰ মাতত!গাওঁৰ মানুহ!আৰে আপোনাৰ সেই প্ৰিয় চৰাইতো মহানগৰৰ নিবাসী৷“এইবাৰ ক্ষন্তেক পৰৰ বাবে জব্দ হ’লো৷হৈ যায় Overconfidence is always injurious to health.কিন্তু এইবাৰ মোৰ সুপ্ত হৈ থকা ৰাজনৈতিক সত্বাতো জাগ্ৰত হৈ উঠিল৷তুমি মানে কি ক’ব বিছাৰিছা মানুহে নগৰ-চহৰবোৰ বনোৱাৰ বহুবছৰৰ আগতেই কাউৰীয়ে সেইবোৰ বনাই বসবাস কৰিছিল আৰু তাৰপিছত ব্ৰিটিছে ৰেড ইণ্ডিয়ান সকলৰ পৰা আমেৰিকা হস্তগত কৰাৰ দৰে আমিওঁ কাউৰীৰ পৰা………”নহয় মানে মই সেইটো কোৱা নাই”এইবাৰ তাই জব্দ হ’ল৷এইবাৰ ব্ৰহ্মাস্ত্ৰ নিক্ষেপ কৰিলো৷হুহ কাউৰী গাৱত থাকে বা চহৰত থাকে সেয়া কাউৰীৰ ব্যক্তিস্বাধীনতা,সংবিধানপ্ৰদত্ত মৌলিক অধিকাৰ৷সেইবিষয়ে কোৱাৰ তোমাৰ কোনো নৈতিক অধিকাৰ নাই৷Now forget about polity.ইউটিউবত পাইছিলো আমি প্ৰতিদিনেই এলাৰ্মৰ ধাতৱ আৰু যান্ত্ৰিকস্বৰত সাৰ পোৱাতো স্বাস্থ্যৰ পক্ষে ক্ষতিকাৰক৷ব্ৰেইন টিউমাৰো হৈ যাব পাৰে৷তাতকৈ আমি ঘৰতে যদি এটা কাউৰী পুহি লওঁ পুৱাই কাউৰীৰ সেই পুলকিত কন্ঠত আমাৰ টোপনি ভাগিব৷এলাৰ্মতো বন্ধ কৰি শুই থকা সম্ভৱ কিন্তু চিঞৰি থকা কাউৰীক চুপ কৰোৱা প্ৰায় অসম্ভৱ৷ That’s the advantage of rearing a crow over the traditional alarm.মুঠতে প্ৰকৃতিৰ প্ৰতিতো উপকৰণ আৰু প্ৰতিতো প্ৰাণীয়েই সুন্দৰ আৰু স্বকীয়৷মাত্ৰ আমি সেই সৌৰ্ন্দয্যক বিছাৰিবলৈ শিকিব লাগিব৷(The every elements of mother nature is beautiful in it’s own way the only think you’ve to do is to find the beauty) কাৰণ আপুনিতো শুনিছাই চাগৈ ইংৰাজী সাহিত্যৰ সেই বিখ্যাত বাণী “Beauty lies in the eyes of the beholder.”

আপুনি উপহাৰ ভাল পায়নে?ময়ো যে কি প্ৰশ্ন কৰিছো?উপহাৰ বাৰু কোনে বেয়া পায়৷প্ৰতিজন স্বাভাৱিক ব্যক্তিৰেই উপহাৰৰ প্ৰতি এক সহজাত দুৰ্বলতা থাকে৷যি উপহাৰ ভাল নাপায় তেওঁ হয়তো ভগৱান অথবা চয়তান!আৰু আপোনাৰ প্ৰেমাস্পদেই যদি উপহাৰ আগবঢ়াই তেন্তেতো সেই উপহাৰৰ আমেজেই সুকীয়া৷হয়তো সেয়া পৃথিৱীৰ সৰ্বশ্ৰেষ্ঠ উপহাৰ৷আপুনি আপোনাৰ প্ৰেয়সীক কি উপহাৰ দিয়ে-ৰঙা গোলাপ নে এটা স্বৰচিত ৰোমান্টিক কবিতা?আপোনাৰ কথা নাজানো কিন্তু প্ৰতিগৰাকী প্ৰেয়সীৰ বাবে হেনো ফুলেই সৰ্বশ্ৰেষ্ঠ উপহাৰ৷সেয়ে আজিৰ এই ভোগবাদী পৃথিৱীতো ভেলেণ্টাইন দেৰ দিনা আপোনাৰ যৌৱনৰ সেই ৰঙা গোলাপ পাহিয়েই উপহাৰৰ বজাৰৰ ২৮% স্থান অধিকাৰ কৰিবলৈ সক্ষম হৈছে৷আপুনি হয়তো নষ্টালজিক হৈ পৰিছে৷আপোনাৰ হয়তো মনত পৰিছে কলেজীয়া দিনৰ সেই বৰ্ষাসিক্ত নিশাতোলৈ যিদিনা প্ৰথমবাৰৰ বাবে আপোনাৰ হৃদয়ৰ বাগিছাত ফুলি উঠিছিল প্ৰেমৰ ৰক্তজৱা৷হয়তো আজি বহুবছৰৰ মুৰত পুনৰ সাৰ পাই উঠিছে আপোনাৰ মাজৰ সুপ্ত প্ৰেমিক সত্বা!আপুনি দৌৰিছে,দৌৰিছে আৰু দৌৰিছে৷আপোনাৰ হাতত এপাহি সুন্দৰ কিন্তু অচিনাকি ফুল৷ফুলপাহিৰ সৌৰভে আপোনাৰ কাষলৈ টানি আনিছে আপোনাৰ প্ৰেয়সীক আৰু আপুনিওঁ সম্পূৰ্ণ ফিল্মী কায়দাৰে দুহাত মেলি প্ৰেমিকাৰ সন্মুখত আঠু লৈ সমৰ্পিত কৰিছে এপাহি সুন্দৰ অথচ অচিনাকি ফুল…………..Now let’s return from the imaginary climax.জীৱনত কেতিয়াওঁ এনে ভূল নকৰিব৷আপুনি আপোনাৰ প্ৰেয়সীক কেতিয়াওঁ কোনো অচিনাকি ফুল উপহাৰ নিদিব৷কাৰণ সকলো ফুল প্ৰেমৰ প্ৰতীক নহয়৷এই বৈচিত্ৰ্যময় ধৰা এনে বহুতো সুন্দৰ আৰু সৌৰভময় ফুলেৰে উপচি আছে যি প্ৰেমৰ নহয় বৰঞ্চ মৃত্যুৰ প্ৰতীক আৰু মোৰ আজিৰ এই ৰোমাণ্টিক গল্পতোত আমি তেনেধৰণৰ পাঁচবিধ সুন্দৰ অথচ বিষাক্ত ফুলৰ প্ৰজাতিৰ বিষয়ে আলোচনা কৰিম৷তেনেহ’লে আপোনাৰ অনুমতি ক্ৰমে আৰম্ভ কৰো আজিৰ গল্প”মৃত্যুওঁ যদি ফুলৰেই হয়- A Love Story based on True Facts.
             ১/পয়জন হেমলক(Conium maculatum)- Apiaceae পৰিয়ালৰ অৰ্ন্তভুক্ত এই বিধ ফুল সচাৰচৰ ইউৰোপ,উত্তৰ আমেৰিকা আৰু আফ্ৰিকা মহাদেশত পোৱা যায়৷শুভ্ৰ বগা আৰু ক্ষুদ্ৰ এই সুন্দৰ ফুলগছজোপাৰ প্ৰতিতো অংশ(ফুল,বীজ,কাণ্ড আৰু শিপা)ত নিহিত হৈ আছে একাধিক বিষাক্ত এলকালয়ডছ(alkaloids)৷গছজোপাৰ যিকোনো অংশ ভক্ষণ কৰাৰ কিছুসময় পিছতেই আপোনাৰ শ্বাসক্ৰিয়া অচল হৈ পৰাৰ সম্ভাৱনা প্ৰায় ১০০% আৰু ইয়াৰ অন্তিম পৰিণতি এক কষ্টদায়ক আৰু কৰুণ মৃত্যু৷
            ২/ডেডলি নাইটছেড(Atropa Belladonna)-প্ৰৱাদ আছে যে ৰোমান সম্ৰাজ্ঞী লিভিয়া ড্ৰোছিলাই এই ফুলবিধৰ ৰস খাদ্যৰ লগত মিহলাই দি তেওঁৰ পতিক হত্যা কৰিছিল৷ Solanaceae পৰিয়ালৰ অৰ্ন্তগত এই সুন্দৰ ফুলবিধৰ বীজ আৰু ফুলত নিহিত হৈ আছে ট্ৰপেন শ্ৰেণীৰ এলকালয়ডছ(Tropane Alkaloids)৷ট্ৰপেনৰ বিষক্ৰিয়াই প্ৰাৰম্ভিক অৱস্থাত মস্তিষ্কৰ চিন্তা ভাৱনা কৰাৰ ক্ষমতা হ্ৰাস কৰে(Delirium) আৰু মনত বিভ্ৰম(Hallucination)ৰ জন্ম দিয়ে আৰু শেষত ট্ৰপেন গ্ৰহণকাৰীজন এজন মানসিক ৰোগীত পৰিণত হৈ মৃত্যুৰ শীতল কোলাত ধলি পৰে৷এই ফুলবিধ মূখ্যত ইউৰোপ আৰু পশ্চিম এছিয়াত পোৱা যায়৷
              ৩/এঞ্জেলছ ট্ৰাম্পেট(Brugmansia spp.)- Solanaceae পৰিয়ালৰ অৰ্ন্তগত এবিধ জোপোহা জাতীয় ফুল৷আকৰ্ষণীয় তথা ৰংবিৰঙ ফুলবোৰৰ সাইলাখ এটা ট্ৰাম্পেটৰ দৰে৷দেখাত অতি মনোমহা এই ফুলজোপাৰ শৰীৰৰ প্ৰতিতো অংশতেই এট্ৰপিন(Atropine),স্কপ’লএমাই(Scopolamine),হায়স্কিএমাইন(Hyoscyamine) ৰ দৰে বিষাক্ত এলকালয়ডছ নিহিত হৈ থাকে৷এঞ্জেল ট্ৰাম্পেটৰ বিষক্ৰিয়াৰ লক্ষণ সমূহ হ’ল বিভ্ৰম,স্মৃতিশক্তিৰ বিলোপ(Memory lost),পক্ষাঘাত(Paralysis) আৰু মৃত্যু৷এই ফুলবিধ ইউৰোপৰ বাহিৰে প্ৰায় পৃথিৱীৰ প্ৰতিখন মহাদেশতেই প্ৰাকৃতিক ভাবে পোৱা যায়৷
                ৪/আটাম ক্ৰকাছ(Colchicum autumnale)- বেঙুনীয়া বৰণৰ Colchicaceae পৰিয়ালৰ অৰ্ন্তগত এইবিধ ফুল মূখ্যত ইউৰোপ মহাদেশত শৰৎকালত ফুলে৷আটাম ক্ৰকাছৰ ফুল আৰু বীজত নিহিত হৈ থাকে কেইবাবিধো বিষাক্ত এলকালয়ডছ যাৰ বিষক্ৰিয়াৰ ফলত ৰোগীৰ বমি,ডায়েৰিয়াৰ দৰে প্ৰাৰম্ভিক লক্ষণে দেখা দিয়া আৰু সময়মতে উচিত চিকিৎসা নাপালে যকৃত আৰু বৃক্কৰ দৰে গুৰুত্বপূৰ্ণ অংগ বিকল(Liver and Kidney Fail) হৈ পৰাৰ ফলত ভুক্তভোগী মৃত্যুমুখত পৰে৷
                ৫/ লিলি অফ দ্যা ভেলি(Convallaria majalis)-Asparagaceae পৰিয়ালৰ অৰ্ন্তগত বসন্ত কালৰ বাতৰি অনা এইবিধ ফুল মূখ্যত এছিয়া আৰু ইউৰোপ মহাদেশত পোৱা যায়৷শুভ্ৰ আৰু ঘন্টা আকৃতিৰ এই সুন্দৰ ফুলজোপাৰ বীজ আৰু ফুলত নিহিত হৈ থাকে কাৰ্ডিয়েক গ্লাইকোচাইড(Cardiac glycoside) শ্ৰেণীৰ একাধিক ষ্টেৰই’ডছ(Steroids)৷লিলি অফ দ্যা ভেলিৰ বিষক্ৰিয়াৰ লক্ষণ সমূহ হ’ল প্ৰচণ্ড পেটৰ বিষ,বমি,চালৰ ৰঙা দাগ,ধুৱলী-কুৱলী দৃষ্টি(Blurred vision) আৰু হৃদপিণ্ডৰ ধপধপনি ক্ৰমে কমি আহি স্তব্দ্ধ হৈ পৰা(Decreased heart rate finally lead to stop the pumping) অৰ্থাৎ মৃত্যু৷
                  প্ৰতিতো সুন্দৰ বস্তুৱেই শুভ নহয়৷কেতিয়াবা সুন্দৰতাৰ মুখাৰ আৰত মৃত্যুৰ বীভৎস ছবিওঁ লুকাই থাকে৷আমি আলোচনা কৰা এই পাঁচবিধ ফুল তাৰ এক সামান্য উদাহৰণে মাত্ৰ৷প্ৰকৃতিৰ বুকুত এনে অসংখ্য সুন্দৰ অথচ বিষাক্ত ফুলৰ প্ৰজাতি আছে তাৰে বহুতো হয়তো আজিলৈকে অনাবিস্কৃত৷সেয়ে এতিয়াৰে পৰা অচিনাকি ফুলৰ প্ৰেমত নপৰিব আৰু আপোনজনক উপহাৰো নিদিব৷বোলো অসমীয়াত এষাৰ কথা আছে নহয় “অচিন কাঠৰ ঠোৰাও নলগাবা৷”আজিৰ ৰোমান্টিক অথচ ভয়লগা গল্পতো ইমানতেই সামৰিলো৷এতিয়া আপুনিওঁ আপোনাৰ favorite romantic climax লৈ উভতি যাওঁক আৰু মই জোনাকী পৰুৱাৰ জোনাকৰ বৰষুণজাকত তিতি এটা প্ৰেমৰ কবিতা লিখিম-মোৰ দেচ’দিমনাৰ বাবে৷শুভৰাত্ৰি৷
     

৮ নৱেম্বৰ ২০১৬ সময় মাজনিশা৷ঘড়ীৰ কাটাই বাৰৰ ঘৰত প্ৰৱেশ কৰিছিল মাত্ৰ৷হঠাৎ শুনা পালো এক কোমল কন্ঠস্বৰ-মেৰে প্যাৰে ভায় ঔৰ বেহেনো………..পিছৰখিনি স্বাধীন ভাৰত(ক্ষমতা হস্তান্তৰিত শব্দতো হয়তো অধিক গ্ৰহণযোগ্য হ’ব)ৰ অৰ্থনীতিৰ এক অন্ধকাৰময় ইতিহাস মাত্ৰ৷হয় মই বিমুদ্ৰাকৰণৰ সেই ৰোমাঞ্চকৰ ইতিহাসৰ কথাই কৈছো৷তেতিয়াৰ পৰাই মেৰে প্যাৰে ভায় ঔৰ বেহেনো এই শব্দকেইটালৈ মোৰ ক’ৰণাতকৈও ভয় লাগে৷আজি পুৱা অলপ পলমকৈয়েই সাৰ পালো আৰু অভ্যাসবসত আন দিনাৰ দৰেই মোবাইলতো হাতত লৈ ছছিয়েল মিডিয়াত চকু ফুৰালো৷হঠাৎ এটা ভিডিঅ’ বাজি উঠিল৷তেৰাৰ সুদৰ্শন মুখখন আৰু সেই ভয়ংকৰ শব্দকেইটা শুনাৰ পিছত মই ভয়তে থৰকাচুটি হেৰুৱাই হাতৰ পৰা মোবাইল ফোনতো দলিয়াই ভিৰাই লৰ মাৰিবলৈ উদ্যত হওঁতেই ভাষণৰ পৰৱৰ্তী অংশ কাণত পৰিল৷হে প্ৰভু, মই ক’তে মৰো!এতিয়া মই হাঁহিমেই নে কান্দিমেই!হাঁহি বোলে জীৱনা মহৌষধ বেজবৰুৱাদেবে কৈছিল৷সেয়ে প্ৰথমে হাঁহিলো,প্ৰাণ খুলি হাঁহিলো আৰু তাৰ পিছত অনিশ্চিত ভবিষ্যতৰ এখন অন্ধকাৰময় ছবি প্ৰত্যক্ষ কৰি চকুৰে বৈ আহিল দুধাৰি তপ্ত লোটক৷
           আশাৰ প্ৰদীপ জ্বলাবলৈ দেশবাসীক আহ্বান কৰা ভিডিঅ’তো প্ৰত্যক্ষ কৰাৰ পিছতেই মোৰ তাৎক্ষণিক প্ৰতিক্ৰিয়া আছিল- When you choose a clown 🤡 to be your king be prepared to watch The Great Indian Circus. সেইদিনাও তেৰাই বাতি-কাঁহীবোৰো ঘৰতেই বজাবলৈ কৈছিল৷কিন্তু আমি কিয় ঘৰত বহি থাকিম হে!আমি ৰাজপথত যাত্ৰাপাৰ্টী কৰিম৷আন্দোলন কৰিম৷C(A)A আন্দোলন বিফল হ’ল কি হ’ল?Go Corona go back ধ্বনিৰে আকাশ-বতাহ কপাই তুলি আমি বাতি-কাঁহী মৰিয়াই-মৰিয়াই ভাঙি নৰেন্দ্ৰ মোডীৰ নেতৃত্বত ভাৰত ত্যাগ আন্দোলন- Phase II ৰ সূচনা কৰিম৷কাৰণ মূৰ্খামি আমাৰ অষ্টমতো মৌলিক অধিকাৰ৷মূৰ্খামি আমাৰ Dominant Trait৷মূৰ্খামিৰ বাবে আমাৰ শৰীৰত এডাল বিশেষ জিন আছে৷অদুৰ ভবিষ্যত হয়তো জৈৱপ্ৰযুক্তিবিদসকলে আমাৰ শৰীৰৰ পৰা সেই জিনডাল আহৰণ কৰি এখন Transgenic মূৰ্খৰ স্বৰ্গৰ নিৰ্মাণ নিশ্চয় এইখন ধৰাতেই কৰিব৷এইবাৰো যে আমাৰ একাংশই ৰাজপথত Corona প্ৰতিৰোধী ৰণৰ অংশস্বৰূপে ৰাজপথত জোৰসমদল হয়তো বাহিৰ নকৰিব তাৰ কোনো নিশ্চয়তা নাই৷কোনোবাই মূৰ্খামিৰ বাবে,কোনোবাই অন্ধভক্তিৰ বাবে আৰু কোনোবা জধামূৰ্খই ইচ্ছাকৃত ভাবে Message Distortion ৰ দ্বাৰা চৰকাৰক বদনাম কৰাৰ স্বাৰ্থত৷৫ এপ্ৰিলত সমগ্ৰ ভাৰতজুৰি এনেদৰেই হ’ব জনতাৰ চাৰ্কাচ আৰু ৬ তাৰিখৰ পৰা এখন নতুন চাৰ্কাচ-মৃত্যুৰ বিভীষিকাৰ৷আশাৰ প্ৰদীপগছি জ্বলাবৰ বাবে প্ৰকৃততে কোনো বাহ্যিকতাৰ প্ৰয়োজন নাই৷অন্তত মই তেনেকৈয়ে ভাবো আৰু অনুভৱ কৰো সেয়ে মোৰ বোধেৰে দেশবাসীৰ মূৰ্খামিৰ বিষয়ে জ্ঞাত হোৱাৰ পিছত আৰু পূৰ্বৰ অভিজ্ঞতাৰ ভিত্তিত বিশ্বৰ সৰ্ববৃহৎ গণতন্ত্ৰৰ এজন প্ৰধানমন্ত্ৰীয়ৰ এই আহ্বান কোনো কাৰণতেই সঠিক হ’ব নোৱাৰে৷তাকো Joker-দ্যা খলনায়কে চলচিত্ৰখনৰ প্ৰাৰম্ভিক অংশতেই আবেগিক মূৰ্খসকলক উদ্দেশ্যি নিক্ষেপ কৰিলে এই ব্ৰহ্মাস্ত্ৰ-“মোৰ মৰমৰ দেশবাসী মোৰ সামান্য আহ্বানৰ প্ৰতি সঁহাৰি জনাই আপোনালোকে সেইদিনা কাঁহী-বাতি বজাই যিদৰে চিকিৎসাকৰ্মীসকলক কৃতজ্ঞতা জ্ঞাপন কৰিলে সেয়া আজি বিশ্বৰ বাবেই এক নিদৰ্শন৷”এয়া তৈলমৰ্দন নে Epidemic Disaster Act অমান্য কৰিবলৈ আওপকীয়াকৈ দিয়া উচতনিমূলক মন্তব্য৷আপুনি Joker নে একবিংশ শতিকাৰ ধৃতৰাষ্ট্ৰ?আশাৰ প্ৰদীপৰ ধাৰণাৰে আপুনি প্ৰমাণ কৰিলে যুক্তিতকৈ আৱেগ শ্ৰেষ্ঠ৷মুঠতে ফিলিংচতোহে মেইন বস্তু৷দেশৰ প্ৰধান সেৱকে এনেদৰে ভাবিছে যদি তুমি মই কোন কুটা৷দেচ’দিমনা তোমাৰ প্ৰতি সমৰ্পিত হৃদয়ৰঙী গোলাপপাহি গ্ৰহণ কৰা৷ইয়াত ক’ৰণা নাই আছে মোৰ অন্তৰৰ নিভৃত মৰম,বিশ্বাস আৰু ভালপোৱা৷ Because I repeat feelings তোহে main কথা৷
              কিন্তু প্ৰধানমন্ত্ৰী ডাঙৰীয়াই কিয় এনেকৈ ক’লে৷তেওঁ মূৰ্খ নে বহুৱা নে ধৃতৰাষ্ট্ৰ!তেওঁক উপদেশ দিবলৈতো,পথ প্ৰদৰ্শন কৰিবলৈ তীক্ষ্ণ মেধাসম্পন্ন প্ৰশাসনিক বিষয়াৰোতো অভাৱ হোৱা নাই৷তেন্তে কিয়?কিয় কৰা হ’ল এনে ঘোষণা যদিওবা তেওঁ জানিছিল ইয়াৰ পিছত তেওঁ ছছিয়েল মিডিয়াত প্ৰচণ্ড ট্ৰ’লৰ সন্মুখীন হ’ব,তেওঁৰ সামাজিক ভাৱমূৰ্তি ম্লান পাব?তেওঁ বাৰু অসহায় হৈ পৰিছে নেকি?আপোনাৰ দৰেই মোৰ টিউৱলাইট সদৃশ মস্তিস্কতো পলমকৈ হ’লেওঁ এনে কিছুমান চিন্তাই ক্ৰিয়া কৰিবলৈ আৰম্ভ কৰিলে৷হঠাৎ চকুৰ সন্মুখত ভাহি উঠিল ভাৰতীয় স্বাস্থ্য মন্ত্ৰালয়ৰ এখন Statistical Report৷সেই ৰিপোৰ্ট অনুসৰি তৃতীয় পৰ্য্যায়ত আমাৰ দেশৰ প্ৰায় ৬ লাখ নাগৰিক আক্ৰান্ত হ’ব আৰু লক্ষণীয় ভাবে সেই ৰিপোৰ্টখন যোৱাকালি প্ৰকাশ পাইছিল৷এতিয়া মই যিখিনি কথা ক’ম সেইখিনি কেৱল আৰু কেৱল মাত্ৰ মোৰ অনুমানৰ ভিত্তিতহে ক’ম৷মোৰ অনুমান সত্য হোৱাতো ময়ো নিবিছাৰো আৰু আপুনি অযথা আতংকিত হোৱাতোওঁ মোৰ কাম্য নহয়৷সেয়ে স্ববিবেকক প্ৰাধন্য দিহে আপুনি মোক বিশ্বাস কৰিব বুলি আশা কৰিলো৷মই Blog লিখি থকা পৰলৈকে ভাৰতত সৰ্বমুঠ ২৩০১ জন লোক ক’ৰণাত আক্ৰান্ত হৈছে৷ভাইৰাছৰ গতিবেগ লক্ষ্য কৰি মোৰ এই ধাৰণা এই সংখ্যাই ৬ লাখৰ ঘৰ স্পৰ্শ কৰিবলৈ আমাক নুন্যতম ২০ দিন আৰু সৰ্বাধিক ৯০ দিনৰ প্ৰয়োজন হ’ব৷সেয়ে হয়তো আৰু অধিক দিনৰ বাবে ল’কডাউনৰ সময়সীমা বৃদ্ধি কৰিব লাগিব৷ অন্ততঃ আৰু এমাহৰ বাবে৷আজি আমি তৃতীয় পৰ্যায়ত উপনীত হ’লো কিন্তু প্ৰথম  পৰ্য্যায় পোৱাৰ পূৰ্বেই আন্তৰাষ্ট্ৰীয় সংযোগ বিচ্ছিন্ন কৰি আমি নিজকে ৰক্ষা কৰিবলৈ সক্ষম হ’লোহেঁতেন৷কিন্তু নকৰিলো, আমি আজি প্ৰথম আৰু দ্বিতীয় পৰ্য্যায়ক অতিক্ৰম কৰি তৃতীয় পৰ্য্যায়ত৷লাগিলে সেয়া নৰেন্দ্ৰ মোডীয়েই হওঁক অথবা অৰবিন্দ কেজৰিৱালেই হওঁক তেওঁলোকক বিশ্বাস কৰাত মোক মোৰ বিবেকে বাধা প্ৰদান কৰে৷কাৰণ হাজাৰ হ’লেওঁ তেওঁলোক ৰাজনৈতিক নেতা৷ৰাজনীতি তেওঁলোকৰ first choice তাৰ পিছতহে মানুহ আৰু মানৱতা৷ই এক অপ্ৰিয় সত্য৷কিন্তু প্ৰশাসনিক বিষয়া আৰু Intelligence Service ৰ Officer সকলতো আছিল৷তেওঁলোকে কিয় নিজামুদ্দিন মাৰ্কাজৰ দৰে অনুষ্ঠান সম্পন্ন হ’বলৈ দিলে য’ত একেখন কাঁহীতেই ছজন ব্যক্তিয়ে তথাকথিত ভাতৃত্ববোধৰ নামত খাদ্য গ্ৰহণ কৰিছিল৷RAW বা IB য়ে হয়তো পাহৰি গৈছিল Biological Terrorist ৰ সংজ্ঞা৷যদি ইচ্ছাকৃত ভাবেই কোনো বিদেশী সন্ত্ৰাসবাদী Carrier হৈ মাৰ্কাজলৈ আহিছিল!হয়তো এয়া কোনোবা শত্ৰুৰাষ্ট্ৰৰ Intelligence Agency ৰ এক Masterstroke আছিল৷মাৰ্কাজ এটা মাত্ৰ উদাহৰণ৷বিছাৰিলে এনে বহু উদাহৰণ পোৱা যাব৷আজি আমি তৃতীয় পৰ্য্যায়ত and This is Purely an Outcome of Administrative and Intelligence Failure. তাৰেই পৰিণতিত হয়তো বৃদ্ধি পাব Lockdown ৰ সময়সীমা৷হয়তো সৰ্বাধিক তিনিমাহ৷অৰ্থনীতিৰ নূন্যতম জ্ঞান থকা যিকোনো এজন ব্যক্তিয়েই তিনিমাহৰ লকডাউনৰ ভয়াবহতা অনুমান কৰিবলৈ নিশ্চয়কৈ সক্ষম৷এই ২১ দিনতেই আমাৰ প্ৰচুৰ ক্ষতি হৈছে৷কল কাৰখান,দোকান-বজাৰ,যাতায়ত সকলোবোৰ বন্ধ৷চৰকাৰৰ আয় প্ৰায় শূণ্য কিন্তু ব্যয় প্ৰচুৰ৷যদি আৰু ৯০ টা দিনৰ বাবে ল’কডাউন বৃদ্ধি কৰা হয় ভোকাতুৰৰ সূচাংকত ১৬৯ স্থানপ্ৰাপ্ত আমাৰ দেশৰ অৱস্থা কি হ’ব এবাৰ মাত্ৰ কল্পনা কৰি চাওঁক৷আপুনি যদি এজন হৃদয়বান ব্যক্তি তেন্তে আপোনাৰ চকুৰে বৈ আহিব বেদনাসিক্ত অশ্ৰু৷এতিয়াও সময় আছে৷মাৰ্কাজৰ পৰা অহা শতাধিক লোকে আত্মগোপন কৰি আছে এনেদৰেই হয়তো আত্মগোপন কৰি আছে অন্য উৎসৰ পৰা আক্ৰান্ত সহস্ৰাধিক লোক যি আজিৰ তাৰিখত এক মানৱ বোমাতকৈও ভয়ংকৰ৷কিন্তু তাৰ বাবে তেওঁলোকৰ সমান্তৰালভাৱেই দায়ী Social Stigma ও৷সেয়ে সাধ্য অনুসৰি প্ৰত্যেকেই এই Social Stigma ৰ বিৰূদ্ধে যুঁজক৷এয়া আপোনাৰ,মোৰ আৰু প্ৰতিতো দল-সংগঠনৰে নৈতিক কৰ্তব্য কাৰণ কেৱল ৰাজপথৰ আন্দোলনেই জাতিক ৰক্ষা কৰিব নোৱাৰে৷
                   শেষত হৃদয়ত শিল ৰাখি দুটা ভবিষ্যত বাণী কৰিবলৈ আগবাঢ়িছো৷কিন্তু তাৰ পূৰ্বে আকৌ কৈছো মোৰ এই ভবিষ্যতবাণীক অন্ধৰ দৰে অনুকৰণ নকৰি তাৰ পূৰ্বে স্ববিবেকেৰে ইয়াৰ সত্যসত্যতা এবাৰ বিচাৰ কৰি চাব৷
১/লক ডাউন অনিৰ্দিষ্ট কালৰ বাবে বৃদ্ধি পাব৷(The duration of lockdown is going to be increased for an indefinite period of time.)
২/ভাৰতীয় অৰ্থনীতিত মন্দাবস্থাৰ সৃষ্টি হ’বলৈ গৈ আছে আৰু অৰ্থনীতি পুনৰ স্বাভাবিক অৱস্থালৈ ঘুৰি আহিবলৈ আমাক অন্তত আৰু তিনিটা বছৰৰ প্ৰয়োজন হ’ব৷( Indian Economy will collapse soon and it’ll take at least 3 years for complete recovery.)
মোৰ এই ভবিষ্যৎবাণী সত্যত পৰিণত হ’লে ভৱিষৎদ্ৰষ্টা হিছাপে নিশ্চয় সুখী হ’ম কিন্তু এজন মানুহ হিছাপে মই হৈ পৰিম এই পৃথিৱীৰ সকলোতকৈ অসুখী ব্যক্তি৷আশা কৰো জোনাকৰ দেশৰ অজান ইশ্বৰে মোৰ এই ভবিষ্যতবাণীক মিথ্যাত পৰিণত কৰিব৷

আপুনি বেঙেনা খাই ভাল পায়নে? এহ কেকে ছাৰে মোহনক দিয়া বেঙেনাতোৰ কথা কোৱা নাই হে! তাকো এপ্ৰিল ফুলো কালিয়েই পাৰ হৈ গ’ল৷সেয়ে নিশ্চিত থাকক মোৰ চয়তানী মগজুতো এতিয়া আপোনাক বেঙেনা দিয়াৰ কোনো অসৎ অভিপ্ৰায় নাই৷ অ এইবাৰ আপুনি ঠিকেই ধৰিছে৷উৰুকাৰ বজাৰৰ সেই গেৰেলা-গেৰেলা বেঙুনীয়া ৰংৰ পাচলি বিধৰ কথাই কৈছো৷ আস শীতকালৰ নিশা সৰহ তেলত ভাজি খাই কি যে মজা লাগে৷পিছে বজাৰৰ বেঙেনানো কি খাব?যি হে জুই-চাই দাম!তাকো কীটনাশক,ৰাসায়নিক দ্ৰব্য সেইবোৰৰ অপপ্ৰয়োগতো আছেই৷ কি ক’লে যোৱাবাৰ ঘৰতে বেঙেনা খেতি কৰিছিল৷কলিতে পোকে খাই পেলালে,OMG! এই পোকবোৰো বৰ খকুৱা জীৱ দেই৷সিহঁতেও খাবলৈ আপোনাৰ বাৰীৰ বেঙেনা কেইটাহে পালে৷তাকো আপোনাৰ দৰে এজন খাদ্যৰসিকৰ বাৰীৰ বেঙেনা৷ৰৌ-ৰৌ নৰকত পৰিবহে৷পোক আৰু বেঙেনাৰ কথা ওলালেই যেতিয়া আজি বেঙেনাৰ সাধু এটাকে কওঁ দিয়ক৷ অথঃ Bt বেঙেনা সংবাদ-Based on real incidents.
             আপোনাৰ দৰেই খাদ্যৰসিকসকলৰ মুখৰ পৰা বেঙেনা কাঢ়ি খোৱা দুষ্ট পোকমখাক এসেকা দিবলৈকে জৈৱপ্ৰযুক্তিবিদসকলে সাজি উলিয়ালে স্বয়ংসম্পূৰ্ণ পতংগ প্ৰতিৰোধ ক্ষমতা সম্পন্ন Bt বেঙেনা(insect resistant Brinjal variety)৷9 শব্দতোৰ উৎস হ’ল এবিধ বেক্টেৰিয়া৷বেক্টেৰিয়া বিধৰ সম্পূৰ্ণ নাম হ’ল Bacillus thuringiensis চমুকৈ Bt.এতিয়া প্ৰশ্ন হ’ল বেক্টেৰিয়া আৰু বেঙেনাৰ মাজত সম্পৰ্ক কি? আখিৰ য়ে ৰিষ্টা ক্যায়া কেহলাতা হ্যে?এই Bt বেক্টেৰিয়াৰ শৰীৰত cry নামৰ এডাল বিশেষ জিন থাকে আৰু সেই জিন ডালে Cry শীৰ্ষক এক বিশেষ প্ৰটিন উৎপাদন কৰে৷পতংগই যদি কিবাকৈ এই প্ৰটিন ভক্ষণ কৰে তেনেহ’লে পতংগৰ পেটৰ(gut) আভ্যন্তৰৰ অত্যাধিক খাৰুৱা(alkaline )পৰিবেশত ই এক শক্তিশালী বিহত পৰিণত হ’য় আৰু পতংগৰ পেটত অসংখ্য ফুটাৰ সৃষ্টি কৰে ফলত অন্তিম পৰিণতি স্বৰূপে Cry প্ৰটিন ভক্ষণ কৰা পতংগবিধ মৃত্যু মুখত পৰে৷
                Cry protein সম্পৰ্কে জ্ঞাত হোৱাৰ পিছত জৈৱ প্ৰযুক্তিবিদসকলে প্ৰথমতো পৰ্য্যায়ত Bt বেক্টেৰিয়াৰ শৰীৰৰ পৰা cry gene ক পৃথক কৰি E.coli নামে আন এবিধ বেক্টেৰিয়াৰ শৰীৰত তাৰ অসংখ্য identical copy প্ৰস্তুত কৰে আৰু দ্বিতীয়তো পৰ্য্যায়ত কৃত্ৰিম ভাবে প্ৰস্তুত কৰা cry gene ক ভেক্টৰৰ সহায়ত এজোপা সাধাৰণ বেঙেনা গছলৈ স্থানান্তৰিত কৰে৷এতিয়া এই transgenic বেক্টেৰিয়া জোপাই হৈছে Bt বেঙেনা(Transgenic plant আৰু ভেক্টৰৰ সম্পৰ্কে আমি ইতিমধ্যেই জোক মোৰ প্ৰেমিকাৰ নাম গল্পতোত আলোচনা কৰিছো)৷এতিয়া নৱনিৰ্মিত Bt বেঙেনাৰ কোহে-কোহে সোমাই আছে Cry protein৷ফলত বেঙেনাক আক্ৰমণ কৰাৰ লগেলগেই অঘাইতং পোকমখা ৰৌ-ৰৌ নৰকত পৰিব৷কি ক’লে Bt বেঙেনা খালে আপুনিও মৰিব৷নাই নাই Bt বেঙেনা পইতাঁচোৰা মৰা দৰব নহয় হে খালে যে আপুনিও মৰিব৷অৱশ্যে পইতাঁচোৰা মৰা দৰব খালেওঁ আপোনাৰ দৰে খাদ্যৰসিক এজন নিশ্চয় নমৰে,পিছে তৃপ্তিও নাপায়৷সেয়ে try কৰি চোৱাৰো কোনো দৰকাৰ নাই৷প্ৰকৃততে Cry protein এ খাৰুৱা পৰিবেশতহে বিষক্ৰিয়া ঘটাবলৈ সক্ষম কিন্তু মানুহৰ পাকস্থলীৰ পৰিবেশ আম্লিক(acidic)৷সেয়ে আপুনি নিৰাপদ৷কেৱল বেঙেনাই নহয় আলু,বিলাহী,গোমধান,কপাহ,চয়াবিন আৰু ধানৰ ক্ষেত্ৰতো এই প্ৰযুক্তিৰ সফল প্ৰয়োগ হৈছে৷
                  বজাৰৰ মোনাখন থওঁক হে৷Bt বেঙেনা বিচাৰি পিছেপৰেও যাব৷এনেও বাহিৰত লকডাউন চলি আছে৷বেঙেনা নহয় কিন্তু বিনামূলীয়া টীকাকৰণ অৱশ্যেই লভিব পাৰে৷ Let me complete the twist of the story. ভাৰত চৰকাৰে ২০০৯ চনত খাদ্যশস্যৰ ক্ষেত্ৰত এই প্ৰযুক্তি ব্যৱহাৰৰ অনুমতি বাতিল কৰে(সেই সম্পৰ্কে আন এদিন আলোচনা কৰিম৷)৷সেয়ে ভাৰতৰ বজাৰত কেৱল Bt cotton হে পোৱা যায়৷সেয়ে Bt বেঙেনাৰ সোৱাদ ল’বলৈ আপুনি আমেৰিকা অথবা চীনলৈ যাব লাগিব৷কিন্তু এতিয়া আমেৰিকা বা চীনলৈ গ’লে Bt বেঙেনাৰ সলনি Corona বাইদেউক পোৱাৰ সম্ভাৱনা হে বেছি৷সেয়ে ঘৰতে বহি-বহি লোভনীয় Bt বেঙেনাৰ সপোন দেখাৰ বাহিৰে আপোনাৰ বা মোৰ হাতত আন কোনো গত্যন্তৰ নাই৷
                       So stay at home,stay safe.
                        #Standwithlockdown
                        সপোনত তেলত ভজা Bt বেঙেনাই অগাদেৱা কৰিলে অমুকা কিন্তু দায়ী নহয়৷শুভৰাত্ৰি৷

১ এপ্ৰিলৰ বিয়লি ২ বজাত হোৱা সংবাদমেলক সম্বোধন কৰি অসমৰ স্বাস্থ্যমন্ত্ৰী ড° হিমন্ত বিশ্ব শৰ্মাই ঘোষণা কৰিলে বৰ্তমানলৈকে অসমত পাঁচটা পজিটিভ কেছ পোৱা গৈছে৷পৰীক্ষা-নিৰীক্ষা চলি আছে হয়তো সন্ধিয়ালৈকে এই পৰিসংখ্যা বৃদ্ধি পাব পাৰে৷ বৰ্তমানলৈকে আক্ৰান্ত কেউজন ৰোগীয়েই দিল্লীৰ নিজামুদ্দিন মাৰ্কাজৰ অনুষ্ঠানত অংশ লৈছিল৷ অৱশেষত পলমকৈ হ’লেওঁ এইদৰেই ধৰ্মীয় আফিংৰ বাহনত উঠি অসম প্ৰবেশ কৰিলেহি বিশ্বত্ৰাস SARS-CoV-20 ভাইৰাছে(ক’ৰণা ভাইৰাছ)৷
        মন্ত্ৰী ডাঙৰীয়াই প্ৰকাশ কৰা এই তথ্য মূহূৰ্ততে বনজুইৰ দৰে বিয়পি পৰিল আৰু সামাজিক মাধ্যমত সৃষ্টি হ’ল ব্যাপক প্ৰতিক্ৰিয়াৰ৷ লাহে-লাহে একাংশ জ্ঞানীমূৰ্খ ব্যক্তিৰ কৃপাত এটা অভাৱনীয় কাণ্ড ঘটিল ক’ৰণাৰ সৈতে সংপৃক্ত হৈ পৰিল এক বিশেষ ধৰ্ম(সকলো ধৰ্ম,ধৰ্মীয় কানিৰ ৰাগি অথবা ধৰ্মান্ধতা নহয়৷)-ইছলাম৷ইছলামক সমাজৰ শত্ৰু আৰু মুছলমান মাত্ৰেই দেশদ্ৰোহী বুলি ক’বলৈওঁ একাংশই কুন্ঠাবোধ নকৰিলে৷ COVID-19 ৰ এই সংকটকালত মাৰ্কাজলৈ যোৱা,তিৰুপতিলৈ যোৱা,গীৰ্জাঘৰলৈ যোৱা,মাৰ্কাজৰ দৰে অনুষ্ঠান পাতিবলৈ অনুমতি দিয়া,আজি মাৰ্কাজৰ পৰা উভতি অহা প্ৰতিজনকেই গুলী কৰিবলৈ আহ্বান জনোৱাসকল আৰু এই মূহূৰ্তত মোৰ Blog পঢ়ি থকা এই প্ৰতিজনেই মোৰ মৰমৰ দেশবাসী৷সেয়ে এই Blog ত মই আপোনালোকক মোৰ মৰমৰ দেশবাসী বুলি সম্বোধন কৰিম৷হয়তো আজি মই যিখিনি কথা ক’ম তাৰে বহুখিনি কথাই আপোনাৰ তিতাঁ লাগিব কিন্তু মই উপায়বিহীন কাৰণ কোনোবাখিনিত আপুনি বা ময়ো হয়তো কেতিয়াবা সেই কৰ্মৰেই অংশীদাৰ আছিলো৷
             মোৰ মৰমৰ দেশবাসী মই প্ৰথমেই আপোনালোকক শুভেচ্ছা জনাইছো কাৰণ সমগ্ৰ বিশ্বৰ প্ৰখ্যাত বিজ্ঞানীসকলে যি কাম যোৱা দুটা মাহত কৰিবলৈ সক্ষম হোৱা নাছিল সেই দুৰূহ কাম আমি মাত্ৰ দুটামান মূহূৰ্তৰ ভিতৰতে কৰি পেলালো তাকো কোনো উচ্চপৰ্য্যায়ৰ গৱেষণাগাৰত নহয় বৰঞ্চ জুকাৰবাৰ্গৰ গোলাপৰ বাগিছাত৷হয়,আমি সক্ষম হ’লো SARS-CoV-20 ৰ জন্মস্থান আৰু ধৰ্মক চিনাক্ত কৰিবলৈ৷জীৱবিজ্ঞানী সকলে RNA ৰ Base Pairs ৰ sequence ৰ মাজত আবদ্ধ হৈ থাকোতেই আমি আৱিষ্কাৰ কৰিবলৈ সক্ষম হ’লো যে বিশ্বত্ৰাস ক’ৰণা ভাইৰাছৰ জন্মস্থান হ’ল নিজামুদ্দিন মাৰ্কাজ আৰু ইয়াৰ ধৰ্ম ইছলাম৷যি কি নহওঁক ফেচবুকৰ পাতত যেতিয়া ক’ৰণাৰ ধৰ্ম আৰু জন্মস্থান আৱিস্কৃত হ’লেই হোৱাটছএপৰ মাধ্যমেৰে কোনো সদাশয় ব্যক্তিৰ কৃপাত ঘৰে-ঘৰে ক’ৰণাৰ প্ৰতিষেধক উপলব্ধ হ’বলৈ হয়তো আৰু বেছি সময়ৰ প্ৰয়োজন নাথাকিব৷হয়তো আৰু মাত্ৰ ২৪ টা ঘন্টা৷তাৰ পিছতেই আমি চিৰদিনৰ বাবে ক’ৰণা আতংকৰ পৰা মুক্ত হ’ম৷লক ডাউনৰ কোনো প্ৰয়োজনীয়তা নাথাকিব৷দেশলৈ স্বাভাৱিক পৰিস্থিতি উভতি আহিব৷শুই থকা চহৰখনে পুনৰ সাৰ পাব আৰু মই মোৰ প্ৰিয় ৰাজমাওপুখুৰীৰ পাৰত বহি দেচ’দিমনাক সুঁৱৰি কবিতা লিখিম৷অন্য  দেশবোৰৰ কথা অৱশ্যে সুকীয়া তাত এতিয়ালৈকে ক’ৰণাৰ ধৰ্ম চিহ্নিত হোৱা নাই৷সেয়ে বিদেশী বন্ধুসকলৰ প্ৰতি মোৰ অন্তৰত সমবেদনাৰ বাহিৰে যে একোৱেই নাই৷কিন্তু এই মূহূৰ্তত মোক আন চিন্তাইহে ভাৰাক্ৰান্ত কৰি তুলিছে৷আজি ন’হলেওঁ কাইলৈ হয়তো ক’ৰণাৰ প্ৰতিষেধক আৰু চিকিৎসা সুলভ হৈ পৰিব কিন্তু ধৰ্মীয় আফিংৰ ভাইৰাছৰ দৰে আমি কিদৰে যুঁজ দিম৷মানৱ মস্তিস্কক ধাৰাশায়ী কৰি দানৱত পৰিণত কৰা এই ভাইৰাছৰ বিৰূদ্ধে কেতিয়াবা আমি প্ৰতিষেধকৰ আৱিস্কাৰ কৰিবলৈ সক্ষম হ’মনে নে নিৰলে চকুলো টুকি চাই ৰ’ম সভ্যতাৰ অৱক্ষয়?
                আজি মই তিনিজন ৰোগীক চিনাক্ত কৰিলো৷প্ৰথমজনে এই সংক্ৰামক মহামাৰীৰ মাজতো মাৰ্কাজলৈ গৈছিল৷দ্বিতীয়জনে আজি প্ৰথমজন ৰোগীক শিখণ্ডী সজাই সমগ্ৰ ইছলামকে গুৱাল গালি পাৰিছে৷তৃতীয়জন এজন দ্বায়িত্বশীল প্ৰশাসনিক বিষয়া আৰু ধৰ্মীয় স্বতন্ত্ৰতাক দোহাই দি তেওঁ মাৰ্কাজ পতাৰ অনুমতি দিছিল৷এওঁলোক তিনিওঁজনেই প্ৰায় একেটা ৰোগৰেই চিকাৰ৷ All of them are addicted to the opium of Religion. প্ৰথমজন ৰোগীৰ ৰোগৰ কাৰণ আল্লাহৰ প্ৰতি অন্ধভক্তি৷আল্লাহৰ দৰগাহত ক’ৰণাই একো কৰিব নোৱাৰে৷সামান্তৰালভাৱে ধৰ্মীয় গোড়ামিতো আছেই৷দ্বিতীয়জনৰ ৰোগৰ কাৰণ স্বধৰ্মৰ প্ৰতি অত্যাধিক প্ৰেম আৰু স্বধৰ্মকেন্দ্ৰিক অহংকাৰ(Religious ethnocentrism)৷সেয়ে তেওঁৰ বাবে আনৰ ধৰ্ম,সংস্কৃতি আৰু উপাসনা ঘৃণনীয়৷এক কথাত ক’বলৈ গ’লে তেওঁ এজন racist৷তৃতীয়জন জ্ঞানীমূৰ্খ৷সকলো জানে সকলো বুজে৷কিন্তু তৎস্বত্বেও মাৰ্কাজ অনুষ্ঠিত কৰাৰ অনুমতি খাৰিজ কৰিবলৈ শংকিত৷জানোচা আল্লাহে দোষ ধৰে৷অৱশ্যে তেওঁ ৰাজনৈতিক খেলাৰ চিকাৰ হোৱাৰো প্ৰচুৰ সম্ভাৱনা আছে৷তিনিওঁজন ৰোগীৰ প্ৰাথমিক ৰোগৰ কাৰণ আৰু লক্ষণ সমূহ সুকীয়া হ’লেওঁ মূখ্য কাৰণ কিন্তু এটাই-ধৰ্মৰ আফিং৷
                 ধৰ্ম আৰু আধ্যাত্মিকতা দুটা পৃথক সত্বা৷আধ্যাত্মিকতা এক আভ্যন্তৰীণ বিষয়বস্তু কিন্তু ধৰ্ম বাহ্যিকতা মাত্ৰ৷ধৰ্ম দুৰ্বলজনৰ বাবে আফিং আৰু দুষ্ট বুদ্ধিৰ গৰাকীৰ বাবে শোষণৰ এক প্ৰাচীন আৰু শক্তিশালী মাধ্যম৷সন্ত্ৰাসবাদৰ বাবে ইছলামক মূখ্যত জগৰীয়া কৰা হ’য় কিন্তু আমি পাহৰি যাওঁ মধ্যপ্ৰাচ্যৰ তৈলখাদকেন্দ্ৰিক অমানবীয় আন্তৰাষ্ট্ৰীয় ৰাজনীতিৰ কথা৷
                 আমি বহুকথাই জানো,চিন্তা কৰো আৰু বিতৰ্ক কৰো কিন্তু আমি প্ৰায়বোৰ কথাই অনুভৱ নকৰো(We think too much but feel too little.)৷মাৰ্কাজলৈ যোৱা জনেওঁ মহামাৰীৰ খৱৰ নিশ্চয় জানিছিল,Racist জনেওঁ জানে যে তেওঁৰ এনে ব্যৱহাৰ মানৱতাৰ পৰিপন্থী আৰু প্ৰশাসনিক বিষয়াজনো নিশ্চয় সভ্যতাৰ এনে সংকটকালত নিজৰ দ্বায়িত্ব সম্পৰ্কে অৱগত আছিল৷কিন্তু কি কৰিম আমি যে জোনাকৰ দেশৰ অজান ঈশ্বৰৰ হাতৰ পুতলা,আমাৰ কোনো অনুভৱ শক্তি নাই৷নিজামুদ্দিন মাৰ্কাজত অংশ ল’বলৈ যোৱা সকলক কৈছো৷ You people are not the God loving people,you are just God fairing people. ভগৱানৰ প্ৰতি বিশুদ্ধ প্ৰেম থকা হ’লে আপুনি অন্তত এইদৰেই সমাজখনক আসন্ন মৃত্যুৰ মুখলৈ ঠেলি নিদিলেহেঁতেন৷হয় তেতিয়া দেশত আজিৰ পৰিস্থিতিৰ সূচনা হোৱা নাছিল৷কিন্তু পৰিস্থিতিৰ গুৰুত্ব অনুধাৱন কৰি সাৱধান হোৱাতো আপোনাৰ কৰ্তব্য আছিল৷ Racist জনতো প্ৰকৃততে মানুহৰ শাৰীতেই নপৰে৷মোৰ কথাই তেওঁক তিলমাত্ৰও স্পৰ্শ কৰিব নোৱাৰে হ’লেওঁ কৈছো আমাৰ ৰাজ্যৰে এজন মুছলমান চিকিৎসক অথবা আৰক্ষী বিষয়া তেওঁ আজি অৰ্হনিশে আপোনাৰ বা মোৰ সুৰক্ষাৰ বাবে জীৱনৰ চৰম ত্যাগ কৰিবলৈ আগবাঢ়িছে৷তেওঁক দেশদ্ৰোহী সজাৰ অধিকাৰ আপোনাক কোনে দিলে?আপুনিতো এটা বহুৱা,কাঠৰ পুতলা৷কোনো ধৰ্মৰ বেপাৰী তথা চতুৰ ৰাজনৈতিক নেতাৰ অদৃশ্য জৰীৰ প্ৰভাৱত আপুনি আজি মাত্ৰ চাৰ্কাচ দেখুৱাই আছে আৰু ইমানখিনি কোৱাৰ পিছতো যদি আপোনাৰ বোধশক্তি জাগি নুঠে আপোনাকো পগলা ফাটেকত ৰাখি isolation কৰিব লাগে৷ You racist people are more dangerous to the society than any life threatening virus.প্ৰশাসনিক বিষয়াজনক মাত্ৰ ইয়াকে ক’ম নিজকে ঈশ্বৰ আৰু ৰাজনৈতিক নেতাৰ কৱলৰ পৰা মুক্ত কৰক আৰু জনতাৰ সেৱা কৰক৷আপুনি দেশৰ সম্পদ আৰু নায়ক৷পথভ্ৰষ্ট নায়ক হোৱাৰ ভুল আৰু দুনাই নকৰিব৷ Because you’re a public servant only not the servant of any Ram or Rahim or any stupid politician.
                      হে মোৰ মৰমৰ দেশবাসী৷ময়ো একালত কৃষি বিজ্ঞানৰ অন্যান্য পাঠ্যক্ৰমৰ লগত Microbiology আৰু Virology ৰ কিছু প্ৰাৰম্ভিক জ্ঞান লাভ কৰাৰ সুবিধা পাইছিলো৷মই স্কুলীয়া দিনৰ পৰাই মেধাবী ছাত্ৰ নাছিলো৷বহুতৰ ভাষাত mediocre আৰু last bencher কিন্তু virology ৰ সীমিত জ্ঞানেৰে মই এই কথা জানিবলৈ সক্ষম হৈছিলো যে ভাইৰাছৰ কোনো ধৰ্ম নাথাকে,ভাইৰাছৰ কোনো ঈশ্বৰ নাথাকে৷প্ৰকৃততে ধৰ্ম বা ঈশ্বৰৰ সৃষ্টিৰ বহুযুগৰ আগেয়ে পৃথিৱীত ভাইৰাছৰ সৃষ্টি হৈছিল৷SARS-CoV-20 ৰ প্ৰকৃত জন্মস্থান সম্পৰ্কে এতিয়াও বিজ্ঞানীসকল নিশ্চিত নহয়৷হয়তো সমগোত্ৰীয় আন ক’ৰণা ভাইৰাছৰ পৰা ইয়াৰ উৎপৰিবৰ্তন(mutation) হৈছে৷
                        ঈশ্বৰক সাক্ষাৎ কৰিবলৈ বহিৰাজ্যৰ ঈশ্বৰৰ ঘৰলৈ যোৱা আনসকলকো কৈছো চৰকাৰ আৰু প্ৰশাসনক ফাঁকি দি ঘৰতে আত্মগোপন কৰি থাকিলে আপোনাক ঈশ্বৰেওঁ ক্ষমা নকৰে৷আপুনি যদি তাৰে মাজৰে এজন অনতিপলমে ১০৪ নম্বৰত সংযোগ স্থাপন কৰক অথবা আপোনাৰ কোনো পৰিচিত লোকে যদি এনে আত্মঘাতী পদক্ষেপ লৈছে তেন্তে আৰক্ষীক অৱগত কৰক৷আপোনাৰ ঈশ্বৰে আপোনাৰ মংগল কৰিব৷পৃথিৱীৰ এই দূৰ্যোগক্ষণত অন্তত ঘৃণাৰ বাতৰি নিবিলাব,পাৰিলে আশাৰ বাতৰি বিলাওঁক৷উৰাবাতৰিৰে মানুহক আতংকিত কৰাৰ পৰা ব্যাহত থাকক পাৰিলে সকাৰাত্মক বাতৰিৰ প্ৰচাৰ কৰক আৰু মানুহৰ চকুলোৰ বাবে ন’হয় মানুহৰ হাঁহিৰ বাবে সংগ্ৰাম কৰক৷ডুবিবলৈ ধৰা টাইটানিকৰ বাদ্যবাদকসকলে চোন অন্তিমক্ষণলৈ যাত্ৰীসকলৰ মুখত হাঁহি বিৰিঙাবলৈ বাদ্যযন্ত্ৰ বজাইছিল৷মই জানো আপুনিও পাৰিব,আপুনি এজন বিবেকবান তথা হৃদয়বান মানুহ৷আহক আপুনি আৰু মই একেলগ হৈ পুনৰ হৃদয়ৰ ভায়লিনত ফুটাই তোলো আশাৰ ধ্বনি৷

আপুনি বাৰু কেতিয়াবা জোকৰ প্ৰেমত পৰিছে নেকি? জোক বুলি ক’বলৈহে পালো আপুনি চোন উচপ খায় উঠিল৷শৈশৱৰ ডুখৰীয়া স্মৃতি৷গ্ৰীস্মকালৰ কালৰ এটা বৰ্ষাসিক্ত আবেলি৷পথাৰৰ মাজে-মাজে আপুনি দৌৰি ফুৰিছে৷হঠাৎ আপোনাৰ কন্ঠত এক আস্ফুত আৰ্তনাদ আৰু তেজবিৰিঙা কলাফুলত এডাল লিকলিকাই থকা ক’লা জোক৷মুঠতে এটা আতংকৰ সৃষ্টিকাৰী আৰু ঘিণলগা জীৱ৷তাৰ লগত প্ৰেম!আপুনি চাগৈ ভাবিছে লক ডাউনে মোক পগলা কৰিলে৷কিন্তু বিশ্বাস কৰক মোৰ এই কাহিনী শুনাৰ পিছত আপুনিও জোকৰ প্ৰেমত পৰিব৷আপোনাৰ crush ৰ তালিকাৰ প্ৰতিজনকে overtake কৰি শীৰ্ষস্থান দখল কৰিবলৈ আহি আছে এডাল ক’লা ঘিণলগা আৰু লিকলিকাই থকা জোক৷তেন্তে পলম নকৰি আৰম্ভ কৰো আজিৰ কাহিনী জোক-মোৰ প্ৰেমিকাৰ নাম৷
         আপোনাৰ অৱচেতন মনত বাৰু কেতিয়াবা এই চিন্তাই ক্ৰিয়া কৰিছে নেকি জোকে খোৱা অংশৰ পৰা কিয় বহুপৰলৈকে তেজ বিৰিঙি থাকে?কিয় সেই অংশত সহজে কৰাল(coagulation) নামাৰে৷ গৱেষণাৰ পৰা পোৱা তথ্য অনুসৰি জোকৰ লালতিত হিৰুদিন(Hirudin) নামৰ এবিধ প্ৰটিন থাকে৷যি ক্ষতস্থানৰ তেজ গোট মৰাত বাধা দিয়ে ফলত জোকৰ ৰক্ততৃষ্ণা নিবাৰণ হয়৷ বিজ্ঞানৰ ভাষাত Hirudin is an anticoagulant,অৰ্থাৎ তেজ গোট মৰাত বাধা দিয়া পদাৰ্থ৷
           প্ৰতিবিধ বিশেষ প্ৰটিনৰ উৎপাদনৰ বাবে এডাল বিশেষ জিন থাকে৷পৰবৰ্ত্তী সময়ত জৈৱ প্ৰযুক্তিবিদ সকলে জোকৰ শৰীৰৰ পৰা হিৰুদিন উৎপাদনকাৰী সেই বিশেষ জিনডাল সংগ্ৰহ কৰি পৰীক্ষাগাৰত জৈৱ ৰাসায়নিক পদ্ধতিৰে তাৰ অসংখ্য identical copy প্ৰস্তত কৰি উলিয়াই আৰু দ্বিতীয়তো পৰ্য্যায়ত Agrobacterium বেক্টেৰিয়াক ভেক্টৰ(ভেক্টৰ কি সেইবিষয়ে পিছত কেতিয়াবা বিস্তৃত ৰূপত আলোচনা কৰিম৷সহজকৈ ক’বলৈ গ’ল ভেক্টৰ হ’ল পৰীক্ষাগাৰত প্ৰস্তুত জিন এডাল কোনো জীৱৰ শৰীৰলৈ প্ৰেৰণ কৰিবলৈ প্ৰস্তুত কৰা এবিধ বিশেষ বাহন৷) হিছাপে ব্যৱহাৰ কৰি Brassica napus(সৰিয়হৰ সমগোত্ৰীয় এক উদ্ভিদ) ৰ শৰীৰলৈ স্থানান্তৰিত কৰে৷ জৈৱপ্ৰযুক্তিৰ ভাষাত এতিয়া সেই বিশেষ গছজোপা হ’ল transgenic plant(transgenic organism হ’ল সেইবোৰ জীৱ যাৰ শৰীৰত কৃত্ৰিম পদ্ধতিৰ দ্বাৰা আন প্ৰাণীৰ শৰীৰৰ পৰা আহৰণ কৰা জিনে থিতাপি লয়)৷তৃতীয় পৰ্য্যায়ত জৈৱপ্ৰযুক্তিবিদ সকলে Transgenic Brassica napus ৰ বীজ সংগ্ৰহ কৰি তাক পৰিশোধন কৰে আৰু সৰ্বশেষত লাভ কৰিবলৈ সক্ষম হ’য় জোকৰ লালতিত পোৱা বিশুদ্ধ হিৰুদিন৷
             কিন্তু কিয় মিলিয়ন-বিলিয়ন ডলাৰ খৰছ কৰি হিৰুদিন আহৰণৰ বাবে জৈৱপ্ৰযুক্তিবিদ সকলে কৰিলে এই সংগ্ৰাম৷কিয়ণো আকস্মিক দূৰ্ঘটনা বা আন কিছু কাৰণত কেতিয়াবা আমাৰ শৰীৰৰ গুৰুত্বপূৰ্ণ অংশৰ সিৰা উপসিৰাৰ তেজ গোট মাৰে৷ফলত শৰীৰৰ বিভিন্ন অংশত ব্যাহত হৈ পৰে ৰক্তৰ চলাচল৷চিকিৎসাবিজ্ঞানৰ ভাষাত তেনে অৱস্থাক Deep vein thrombosis বুলি কোৱা হ’য়৷ইয়াৰ ফলশ্ৰুতিত ব্যক্তিজনৰ মৃত্যুও হ’ব পাৰে৷তেতিয়া চিকিৎসক সকলৰ হাতত মাত্ৰ এটাই তাৎক্ষণিক উপায় থাকে অস্ত্ৰোপচাৰৰ পূৰ্বে সেই অংশত হিৰুডিনৰ ইনজেকচন দি তেজ গোট মৰাক বাধা দিয়া৷ অৰ্থাৎ সেই মূহূৰ্তত হিৰুদিন আমাৰ বাবে হৈ পৰে এক জীৱনদায়িনী ঔষধ৷
              Housefull চলচিত্ৰৰ নায়িকাৰ সেই বিশেষ ৰোমান্টিক সংলাপতো মনত আছেনে?কোনোবাই যদি আপোনাৰ জীৱন ৰক্ষা কৰিছে তেন্তে এতিয়াৰ পৰা আপোনাৰ জীৱনতো তেওঁৰ প্ৰতি সমৰ্পিত৷আওপকীয়াকৈ ক’বলৈ গ’লে Housefull শাস্ত্ৰই কয় যে এই মূহূৰ্তৰ পৰা নায়ক নায়িকাৰ প্ৰেমত পৰা উচিত৷আপোনাৰ শৈশৱৰ সেই ক’লা ঘিণলগা লিকলিকিয়া জোকতোৱেই আজি সমগ্ৰ মানৱ জাতিৰেই ত্ৰাণকৰ্তা৷ত্ৰাণকৰ্তাৰ প্ৰেমততো নায়ক অক্ষয় কুমাৰেই পৰিছিল,জোকৰ প্ৰেমত নপৰিবলৈ আপুনি আৰু মই কোন কুটা হে!আপুনি আপোনাৰ শৈশৱৰ জোকডালৰ প্ৰেমত পৰক আৰু মই মোৰডালৰ৷কিন্তু খবৰদাৰ নিজৰডালক বিছাৰি নাপাই মোৰডালক বিছাৰি নাহিব৷কাৰণ জোক-মোৰ প্ৰেমিকাৰ নাম৷

আজি সমগ্ৰ বিশ্বই COVID-19 ৰ জ্বৰত আক্ৰান্ত৷এয়া পৃথিৱীৰ অসুখ৷আজি পৃথিৱীবাসী অসহায় আৰু হতাশগ্ৰস্হ৷সভ্যতাৰ এই যুগসন্ধিত আজি সঘনাই উচ্চাৰিত হৈছে এটা শব্দ জৈৱিক অস্ত্ৰ(Biological Weapons)৷বহুতৰে বাবে হয়তো ই এটা নতুন শব্দ৷জীৱ বিজ্ঞানৰ এজন ছাত্ৰ হিছাপে আপোনালোকক জৈৱিক অস্ত্ৰৰ সৈতে পৰিচয় কৰি দিয়াই আমাৰ একমাত্ৰ উদ্দেশ্য৷সেইবাবে এই পোষ্টতোৰ জৰিয়তে জৈবিক অস্ত্ৰৰ সংজ্ঞা,ইয়াৰ ইতিহাস আৰু ভয়াবহতাৰ বিষয়ে আপোনালোকৰ সৈতে কিছু কথা আলোচনা কৰিবলৈ মনস্থ কৰিলো৷
বেক্টেৰিয়া,ভেকুৰ(fungus),ভাইৰাছ আদিৰ দৰে অণুজীৱ আৰু সেইসমূহৰ পৰা নিৰ্গত বিষাক্ত পদাৰ্থক যদিহে মানুহ,পশুপক্ষী অথবা উদ্ভিদক হত্যা কৰিবলৈ বা ৰুগ্ন আৰু কম উৎপাদনক্ষম কৰি তুলিবলৈ ইচ্ছাকৃত ভাবে কোনো ব্যক্তি,সংগঠন অথবা ৰাষ্ট্ৰই ব্যৱহাৰ কৰে তেনেহ’লে সেইসমূহক জৈবিক অস্ত্ৰৰ আখ্যা দিয়া হয় আৰু সেই যুদ্ধখনক আখ্যা দিয়া হ’য় জৈবিক যুদ্ধ(Biological Warfare)৷
বিশ্বৰ ইতিহাসত পোনপ্ৰথমবাৰৰ বাবে প্ৰতিপক্ষক আৰ্থিক ভাবে দুৰ্বল কৰি তুলিবলৈ প্ৰথম বিশ্বযুদ্ধত জাৰ্মানীয়ে পশুধনৰ ওপৰত anthrax ৰোগৰ বাহক বেক্টেৰিয়াৰ ব্যৱহাৰ কৰিছিল৷কিন্তু ইয়াৰ প্ৰভাৱ আছিল নিচেই সীমিত৷ Shiro Ishi নামৰ এজন জীৱবিজ্ঞানীৰ নেতৃত্বত জাপানে দ্বিতীয় মহাসমৰত চীন দেশৰ ১০০০ টা কুৱাত কলেৰা ৰোগৰ বেক্টেৰিয়া এৰি দিছিল আৰু ইয়াৰ ফলশ্ৰুতিত সমগ্ৰ চীন দেশতেই ৩০০০০ জন নাগৰিকৰ কৰুণ মৃত্যু হৈছিল৷পৰবৰ্তী সময়ত মিত্ৰপক্ষৰ হাতত যুদ্ধবন্দী Ishi আৰু সহযোগী বিজ্ঞানীসকলে মাৰ্কিন চৰকাৰৰ পৃষ্ঠপোষকতাত পুনৰ নতুন জৈৱিক অস্ত্ৰ নিৰ্মাণ কৰাৰ গৱেষণাত ব্ৰতী হয়৷কিন্তু আন্তৰাষ্ট্ৰীয় চাপ আৰু বহু দেশত জৈৱিক অস্ত্ৰৰ গৱেষণাগাৰত হোৱা আভ্যন্তৰীণ দুৰ্ঘটনাৰ ফলশ্ৰুতিত ১৯৭১ চনত Biological and Toxin Weapons Convention (BTWC) শীৰ্ষক এখন আন্তৰাষ্ট্ৰীয় চুক্তি স্বাক্ষৰিত হয় য’ত জৈৱিক অস্ত্ৰৰ নিৰ্মাণৰ ওপৰত প্ৰতিবন্ধকতা আৰোপ কৰা হয়৷কিন্তু মাৰ্কিন যুক্তৰাষ্ট্ৰৰ গুপ্তচৰ সংস্থা CIA য়ে প্ৰকাশ কৰা তথ্য অনুসৰি ইয়াৰ পিছতো ছোভিয়েট ইউনিয়নে আন্তমহাদেশীয় মিছাইলৰ সৈতে সংযুক্ত Anthrax,Small Pox আৰু Multidrug Resistant Bacteria(কেইবাবিধো ঔষধৰ প্ৰভাৱৰ পৰা মুক্ত বেক্টেৰিয়া) নিৰ্মাণ কৰি উলিয়াই আৰু বৰ্তমানো ৰাছিয়া,আমেৰিকা,ইজৰাইল,ইৰাক আৰু বিভিন্ন দেশৰ চৰকাৰী অস্ত্ৰ ভাণ্ডাৰত এনে অস্ত্ৰ মজুত আছে৷জৈৱিক অস্ত্ৰ একবিংশ শতিকাৰ যুদ্ধ(Modern day warfare)ৰ এক অভিন্ন অংগ৷
জীৱ বিজ্ঞানৰ এক নৱতম শাখা synthetic virology ৰ মূখ্য উদ্দেশ্যই হৈছে মানৱসৃষ্ট ভাইৰাছৰ নিৰ্মাণ৷হয়তো SARS-CoV-20 Synthetic Virology সৃষ্ট এক ফ্ৰেংকষ্টাইন আৰু অদুৰ ভবিষ্যৎত সভ্যতাৰ প্ৰতি ভাবুকিৰ সৃষ্টি কৰা কোনো ভয়াবহ ভাইৰাছক যে ক্ষমতাৰ ৰাগীয়ে সৃষ্টি কৰিব সেয়া প্ৰায় নিশ্চিত৷কম্পিউটাৰৰ antivirus বনোৱা বহু কোম্পানীয়েই ব্যৱসায়িক স্বাৰ্থত virus ও বনাই৷ঔষধৰ বজাৰত মুনাফা লুটাৰ স্বাৰ্থত যে কাইলৈ জৈৱিক অস্ত্ৰৰ অপপ্ৰয়োগ ন’হব তাকো নিশ্চিত ভাবে কোৱা টান৷
একেদৰেই ভয়ংকৰ হ’ব পাৰে Superbug ৰ প্ৰয়োগ৷Superbug এনে কিছুমান বেক্টেৰিয়াৰ mutant(উৎপৰিবৰ্তিত) প্ৰজাতি যাক বৰ্তমানলৈকে আবিস্কৃত কোনো প্ৰতিজৈৱিক(antibiotic)ৰ দ্বাৰা নাশ কৰিব নোৱাৰি৷
জৈৱিক অস্ত্ৰৰ ভয়াবহ দিশবোৰ হ’ল এই অস্ত্ৰ সাংঘাতিক ভাবে কাৰ্য্যক্ষম আৰু প্ৰজনন ক্ষমতা থকাৰ বাবে স্বয়ংক্ৰিয় ভাবেই ইহঁতৰ সংখ্যা বৃদ্ধি পায়৷উচন হয় এখনৰ পিছত সিখন চহৰ৷এই অস্ত্ৰ কমখৰছী আৰু নিৰ্মাণ কৰিবলৈ সহজ৷সেয়ে সন্ত্ৰাসবাদীৰ দ্বাৰা এনে অস্ত্ৰ ব্যৱহৃত হোৱাৰ সম্ভাৱনাও প্ৰৱল৷বোমা-বাৰুদ অথবা বন্দুকৰ দৰে ইয়াক Detector ত ধৰা পেলাব নোৱাৰে আৰু ইয়াৰ পৰা হোৱা Collateral Damage(পাৰ্শ্বপ্ৰতিক্ৰিয়া) ৰ পৰিসৰ যঠেষ্ট বহল৷আজি COVID-19 ৰ বিশ্ব অৰ্থনীতিত পেলোৱা বিৰূপ প্ৰভাৱ এনে collateral damage ৰ এক উপযুক্ত প্ৰমাণ৷
SARS-CoV-20 হয়তো প্ৰাকৃতিক ভাইৰাছ৷আমি আশাবাদী এয়া কোনো জৈৱিক অস্ত্ৰ নহয়৷কিন্তু COVID-19 মহামাৰীৰয়ে আমাক পুনৰ সোঁৱৰাই দিলে জৈৱিক অস্ত্ৰৰ ভয়াবহতাৰ কথা৷বিজ্ঞান আৰু প্ৰযুক্তি মানুহৰ প্ৰগতিৰ কাৰণ হোৱা উচিত সভ্যতাৰ ধ্বংস কাৰণ নহয়৷সেয়ে সময় থাকোতেই প্ৰতিখন ৰাষ্ট্ৰৰ ৰাষ্ট্ৰনেতাসকলে ইয়াৰ গুৰুত্ব অনুধাৱন কৰি কঠোৰতম আইন প্ৰণয়নৰ দ্বাৰা জৈৱিক অস্ত্ৰ সংক্ৰান্তীয় গৱেষণাক নিয়ন্ত্ৰণ কৰা উচিত৷অন্যথা সেউজীয়া শস্য শ্যামলা পৃথিৱীখন মৰিশালিৰ চহৰ হ’বলৈ আৰু বেছি পৰ নালাগিব৷